ಶಾಲಾ ಸಂಸತ್ತಿನ ನೂತನ ಸಚಿವರ ಪದಗ್ರಹಣ ಸಮಾರಂಭ : ಜವಾಬ್ದಾರಿ ಅರಿತು ಉತ್ತಮ ಕಾರ್ಯ ನಿರ್ವಹಿಸಿ ಹಿ ಎನ್‌.ಆರ್‌. ಠಕ್ಕಾಯಿ

ಲೋಕದರ್ಶನ ವರದಿ 

ಬೈಲಹೊಂಗಲ, ಜು.11: ಅಧಿಕಾರ ವಹಿಸಿಕೊಂಡ ಎಲ್ಲಾ ವಿದ್ಯಾರ್ಥಿಗಳು ತಮ್ಮ ಜವಾಬ್ದಾರಿಯನ್ನು ಅರಿತು ಉತ್ತಮವಾಗಿ ಕಾರ್ಯನಿರ್ವಹಿಸಬೇಕು ಎಂದು ಮುಖ್ಯಶಿಕ್ಷಕ ಎನ್‌.ಆರ್‌. ಠಕ್ಕಾಯಿ ಹೇಳಿದರು.  ತಾಲೂಕಿನ ಬೂದಿಹಾಳ ಸರ್ಕಾರಿ ಪ್ರೌಢಶಾಲೆಯಲ್ಲಿ 2026-27ನೇ ಸಾಲಿನ ಶಾಲಾ ಸಂಸತ್ತಿನ ನೂತನ ಸಚಿವರ ಪದಗ್ರಹಣ ಸಮಾರಂಭದ ಅಧ್ಯಕ್ಷತೆ ವಹಿಸಿ ಅವರು ಮಾತನಾಡಿದರು.  ಶಾಲೆಯ ದೈನಂದಿನ ಚಟುವಟಿಕೆಗಳಲ್ಲಿ ಸಕ್ರಿಯವಾಗಿ ತೊಡಗಿಸಿಕೊಂಡು ತಂಡದ ಮನೋಭಾವದಿಂದ ಕರ್ತವ್ಯ ನಿರ್ವಹಿಸಬೇಕು. ವಿದ್ಯಾರ್ಥಿಗಳು ನಾಗರಿಕ ಪ್ರಜ್ಞೆ, ಸಮಾಜ ಸೇವಾ ಮನೋಭಾವ ಬೆಳೆಸಿಕೊಂಡು ಉತ್ತಮ ಪ್ರಜೆಗಳಾಗಬೇಕು ಎಂದು ಅವರು ತಿಳಿಸಿದರು.  

ಶಾಲಾ ಸಂಸತ್ತಿನ ಸಚಿವರಾಗಿ ಪಲ್ಲವಿ ಸೂರ್ಯವಂಶಿ (ಪ್ರಧಾನಮಂತ್ರಿ), ಐಶ್ವರ್ಯ ಮರಳಸಿದ್ದನವರ (ಮಹಿಳಾ ಪ್ರತಿನಿಧಿ), ಸಂತೋಷ ಬೋಬಡೆ (ಪ್ರವಾಸ ಸಚಿವ), ಚೆನ್ನಬಸವ ಸೊಗಲದ (ಹಣಕಾಸು ಸಚಿವ), ವಿದ್ಯಾ ಗರಗದ (ಶಿಕ್ಷಣ ಸಚಿವ), ಸುರೇಶ್ ಹೊಸೂರ (ಆರೋಗ್ಯ ಮತ್ತು ಸ್ವಚ್ಛತಾ ಸಚಿವ), ಹರೀಶ ಗರಗದ (ಕ್ರೀಡಾ ಸಚಿವ), ರೋಹಿತ್ ನಿಂಬಾಳಕರ (ಗ್ರಂಥಾಲಯ ಸಚಿವ), ಅಪರ್ಣಾ ಬೋಬಡೆ (ಸಾಂಸ್ಕೃತಿಕ ಸಚಿವ) ಹಾಗೂ ಪ್ರತೀಕ್ಷಾ ಜೋಗಿಗುಡ್ಡ (ವಿಜ್ಞಾನ ಮತ್ತು ತಂತ್ರಜ್ಞಾನ ಸಚಿವ) ದೇವರ ಹಾಗೂ ಸಂವಿಧಾನದ ಹೆಸರಿನಲ್ಲಿ ಪ್ರಮಾಣ ವಚನ ಸ್ವೀಕರಿಸಿದರು.  ಸಮನ್ವಿ ಗಡಾದ ವಿರೋಧ ಪಕ್ಷದ ನಾಯಕಿಯಾಗಿ ಆಯ್ಕೆಯಾದರು. ದೈಹಿಕ ಶಿಕ್ಷಣ ಶಿಕ್ಷಕ ಪ್ರವೀಣ ಗುರುವನಗೌಡರ ಅವರು ಪ್ರಮಾಣ ವಚನ ಬೋಧಿಸಿದರು. ನೂತನ ಸಚಿವರಿಗೆ ನಾಮಫಲಕಗಳನ್ನು ವಿತರಿಸಲಾಯಿತು.  

ನೂತನ ಪ್ರಧಾನಮಂತ್ರಿ ಪಲ್ಲವಿ ಸೂರ್ಯವಂಶಿ ಮಾತನಾಡಿ, ಶಾಲಾ ಸಂಸತ್ತಿನ ಎಲ್ಲಾ ಸಚಿವರನ್ನು ವಿಶ್ವಾಸಕ್ಕೆ ತೆಗೆದುಕೊಂಡು ಶಿಕ್ಷಕರ ಮಾರ್ಗದರ್ಶನದಲ್ಲಿ ಜವಾಬ್ದಾರಿಗಳನ್ನು ಸಮರ​‍್ಕವಾಗಿ ನಿರ್ವಹಿಸುವುದಾಗಿ ತಿಳಿಸಿದರು.  ಕಾರ್ಯಕ್ರಮದಲ್ಲಿ ಎಸ್ಡಿಎಂಸಿ ಅಧ್ಯಕ್ಷ ವಿನಾಯಕ ಬಡಿಗೇರ, ಉಪಾಧ್ಯಕ್ಷ ರಮೇಶ್ ಸೂರ್ಯವಂಶಿ, ಪದಾಧಿಕಾರಿಗಳಾದ ರಾಮಲಿಂಗಪ್ಪ ಮೆಕ್ಕೆದ, ದುಂಡಪ್ಪ ಮಡಿವಾಳರ, ಶಿಕ್ಷಕರಾದ ಜೆ.ಆರ್‌. ನರಿ, ಎಚ್‌.ವಿ. ಪುರಾಣಿಕ, ಜಿ.ಬಿ. ತುರಾದಿ, ಎ.ಎಂ. ಬೇಪಾರಿ, ಪ್ರಶಿಕ್ಷಣಾರ್ಥಿ ಉದಯ ಸೊಗಲದ ಹಾಗೂ ಸಹಾಯಕ ಶಿಕ್ಷಕರು ಮತ್ತು ವಿದ್ಯಾರ್ಥಿಗಳು ಉಪಸ್ಥಿತರಿದ್ದರು.  ಶಿಕ್ಷಕ ವಿ.ಎಂ. ಕೋಟಗಾರ ಕಾರ್ಯಕ್ರಮ ನಿರೂಪಿಸಿದರು. ಶಿಕ್ಷಕ ಎಸ್‌.ವಿ. ಬಳಿಗಾರ ವಂದಿಸಿದರು.