ತಾಲಿಬಾನ್ ಅನ್ನು ಭಯೋತ್ಪಾದಕ ಪಟ್ಟಿಯಿಂದ ತೆಗೆದುಹಾಕುವ ಚಿಂತನೆ ಇಲ್ಲ: ರಷ್ಯಾ

  ಮಾಸ್ಕೋ, ಆಗಸ್ಟ್ 23 ಅಫ್ಘಾನಿಸ್ತಾನದಲ್ಲಿ ಹೊಸ ನಾಯಕತ್ವವನ್ನು ಗುರುತಿಸಲು ಮಾಸ್ಕೋ ಆತುರ ತೋರುವುದಿಲ್ಲ ಮತ್ತು ತಾಲಿಬಾನ್ ಅನ್ನು ತನ್ನ ಭಯೋತ್ಪಾದಕ ಪಟ್ಟಿಯಿಂದ ತೆಗೆದುಹಾಕುವ ಯಾವುದೇ ಯೋಜನೆ ಇಲ್ಲ ಎಂದು ರಷ್ಯಾದ ವಿದೇಶಾಂಗ ವ್ಯವಹಾರಗಳ ಉಪ ಸಚಿವ ಒಲೆಗ್ ಸಿರೊಮೊಲೊಟೊವ್ ಸೋಮವಾರ ಹೇಳಿದ್ದಾರೆ. "ನಾವು ಭಯೋತ್ಪಾದಕ ಸಂಘಟನೆಗಳ ರಷ್ಯಾದ ಪಟ್ಟಿಯಿಂದ ತಾಲಿಬಾನ್ ಸಂಘಟನೆಯನ್ನು ಹೊರಗಿಡಲು ಅಥವಾ ಹೊಸ ಅಫ್ಘಾನ್ ಅಧಿಕಾರಿಗಳನ್ನು ಗುರುತಿಸುವ ಉದ್ದೇಶ ಹೊಂದಿಲ್ಲ. ನಾವು ಹೊಸ ಅಫಘಾನ್ ಅಧಿಕಾರಿಗಳ ಪ್ರಾಯೋಗಿಕ ಕ್ರಮಗಳು ಮತ್ತು ವಿಶ್ವಸಂಸ್ಥೆಯ ಭದ್ರತಾ ಮಂಡಳಿಯ ಸಂಬಂಧಿತ ನಿರ್ಧಾರಗಳ ಮೇಲೆ ಗಮನ ಹರಿಸುತ್ತೇವೆ” ಎಂಬ ಸಿರೊಮೊಲೊಟೊವ್ ಹೇಳಿಕೆಯನ್ನು ಸುದ್ದಿ ಸಂಸ್ಥೆ ಸ್ಪುಟ್ನಿಕ್ ಉಲ್ಲೇಖಿಸಿದೆ.
  "ತಾಲಿಬಾನ್ ಚಳುವಳಿಯ ಆಶ್ವಾಸನೆಗಳನ್ನು ನಾವು ಮುಖ್ಯವೆಂದು ಪರಿಗಣಿಸುತ್ತೇವೆ ಅದು ಮೂರನೇ ರಾಷ್ಟ್ರಗಳ ವಿರುದ್ಧ ಅಫ್ಘಾನಿಸ್ತಾನದ ಪ್ರದೇಶವನ್ನು ಬಳಸಲು ಅನುಮತಿಸುವುದಿಲ್ಲ" ಎಂದು ಸಿರೊಮೊಲೊಟೊವ್ ಹೇಳಿದ್ದಾರೆ.