ಫೋರ್ಬ್ಸ್ ಪಟ್ಟಿಯಲ್ಲಿ ಐವರು ಭಾರತೀಯ ಮಹಿಳೆಯರು

ನ್ಯೂಯಾರ್ಕ್, ಆಗಸ್ಟ್‌  12  ಭಾರತೀಯ  ಮೂಲದ   ಐವರು  ಮಹಿಳೆಯರಿಗೆ   ಅಪರೂಪದ ಗೌರವ  ಲಭಿಸಿದೆ.   ಅಮೆರಿಕಾದ    ರಿಚ್ಚೆಸ್ಟ್‌   ಸೆಲ್ಫ್‌  ಮೇಡ್‌  ವುಮೆನ್‌   ಶೀರ್ಷಿಕೆಯಡಿ     ಹೊಸದಾಗಿ   ಬಿಡುಗಡೆಗೊಳಿಸಿರುವ     ಫೋರ್ಬ್ಸ್  ಪಟ್ಟಿಯಲ್ಲಿ    ಐವರು ಭಾರತೀಯ   ಅಮೆರಿಕನ್‌  ಮಹಿಳೆಯರು  ಸ್ಥಾನಪಡೆದುಕೊಂಡಿದ್ದಾರೆ.   ಈ  ಪಟ್ಟಿಯಲ್ಲಿ  ಅರಿಸ್ಟಾ ನೆಟ್ವರ್ಕ್ ಸಿಇಓ ಜಯಶ್ರೀ ಉಳ್ಳಾಲ್ 1.7 ಬಿಲಿಯನ್ ಡಾಲರ್  ಸಂಪತ್ತಿನೊಂದಿಗೆ  16 ನೇ ಸ್ಥಾನದಲ್ಲಿದ್ದರೆ,  ಸಿಂಟೆಲ್ ಐಟಿ ಸಹ-ಸಂಸ್ಥಾಪಕಿ ನೀರ್ಜಾ ಸೇಥಿ  1 ಬಿಲಿಯನ್  ಡಾಲರ್‌  ಆಸ್ತಿಯೊಂದಿಗೆ 26 ನೇ ಸ್ಥಾನಪಡೆದುಕೊಂಡಿದ್ದಾರೆ.

ಕಾನ್ಪ್ಲುಯಂಟ್‌     ಸಂಸ್ಥೆಯ   ಸಹ-ಸಂಸ್ಥಾಪಕಿ ನೇಹಾ ನಾರ್ಖಡೆ  925 ಮಿಲಿಯನ್‌ ಡಾಲರ್ ಗಳು, ಗಿಂಕ್ಗೊ ಬಯೋವರ್ಕ್ಸ್ ಸಹ-ಸಂಸ್ಥಾಪಕಿ ರೇಷ್ಮಾ ಶೆಟ್ಟಿ  750 ಮಿಲಿಯನ್‌ ಡಾಲರ್‌     ಆಸ್ತಿಯೊಂದಿಗೆ 29  ಹಾಗೂ  39 ನೇ ಸ್ಥಾನದಲ್ಲಿದ್ದರೆ,  ಪೆಪ್ಸಿಕೊದ ಸಿಇಓ ಇಂದ್ರ ನೂಯಿ290 ಮಿಲಿಯನ್ ಡಾಲರ್ ಆಸ್ತಿಯೊಂದಿಗೆ ಫೋರ್ಬ್ಸ್ ಪಟ್ಟಿಯಲ್ಲಿ 91 ನೇ ಸ್ಥಾನದಲ್ಲಿದ್ದಾರೆ.