ಭಾರತದ ಅಧ್ಯಕ್ಷತೆಯಲ್ಲಿ ವಿಶ್ವಸಂಸ್ಥೆ ಭದ್ರತಾ ಮಂಡಳಿ ತುರ್ತು ಸಭೆ

ನವದೆಹಲಿ,  ಆಗಸ್ಟ್‌  16: ಅಫ್ಘಾನಿಸ್ತಾನ  ವನ್ನು  ತಾಲಿಬಾನಿಗಳು    ವಶಪಡಿಸಿಕೊಂಡಿರುವ  ಬಗ್ಗೆ    ವಿಶ್ವಸಂಸ್ಥೆಯ ಭದ್ರತಾ ಮಂಡಳಿ (ಯು ಎನ್‌ ಎಸ್‌ ಸಿ) ಇಂದು  ತುರ್ತು ಸಭೆ ಸೇರಲಿದೆ.  ಸೋಮವಾರ  ರಾತ್ರಿ  7.30 ಕ್ಕೆ  ಭಾರತದ  ಅಧ್ಯಕ್ಷತೆಯಲ್ಲಿ   ಈ  ಸಭೆ  ನಡೆಯಲಿದೆ.  ಅಫ್ಘಾನಿಸ್ತಾನದಲ್ಲಿನ  ಪ್ರಸ್ತುತ ಪರಿಸ್ಥಿತಿ,  ಮುಂದಿನ ಕಾರ್ಯಾಚರಣೆಗಳ  ಬಗ್ಗೆ ಚರ್ಚೆ ನಡೆಸಲಿದೆ. ಅಫ್ಘಾನಿಸ್ತಾನದಲ್ಲಿ ನಾಗರಿಕರ ಹಕ್ಕುಗಳಿಗೆ  ಯಾವುದೇ   ಭಂಗವಾಗದಂತೆ  ತಾಲಿಬಾನ್ ಗೆ ಸ್ಪಷ್ಟ ಸಂದೇಶವನ್ನು ರವಾನಿಸಲು  ವಿಶ್ವಸಂಸ್ಥೆ ನಿರ್ಧರಿಸಿದೆ ಎಂದು  ತಿಳಿದುಬಂದಿದೆ.