ಚೀನಾದಲ್ಲಿ ಪ್ರಬಲ ಭೂಕಂಪ, ಇಬ್ಬರ ಸಾವು

ಬೀಜಿಂಗ್ ,  ಮೇ 22 : ಚೀನಾದಲ್ಲಿ ಶುಕ್ರವಾರ ಎರಡು   ಕಡೆ   ಪ್ರಬಲ ಭೂಕಂಪ ಸಂಭವಿಸಿದ್ದು , ಇಬ್ಬರು ಮೃತಪಟ್ಟಿದ್ದಾರೆ ಎಂದೂ  ವರದಿಯಾಗಿದೆ. ಎರಡನೇ ಬಾರಿ ದಕ್ಷಿಣ ಕ್ವಿಂಗೈ ಪ್ರಾಂತ್ಯದಲ್ಲಿ ಭೂಕಂಪ ಸಂಭವಿಸಿದ್ದು  ಪರ್ವತ ಪ್ರದೇಶದಲ್ಲಿ ಭೂಕಂಪದ ಕೇಂದ್ರಬಿಂದುವಿತ್ತು ಎಂದೂ  ಹೇಳಲಾಗಿದೆ. ಆದರೆ ಈ ಕಂಪನದಿಂದ  ಹೆಚ್ಚಿನ  ಹಾನಿಯಾಗಿಲ್ಲ ಎಂದೂ ವರದಿಯಾಗಿದೆ. ಈ ಎರಡು ಭೂಕಂಪಗಳ ಕೇಂದ್ರಬಿಂದು ಸುಮಾರು 500 ಮೈಲುಗಳ ದೂರದಲ್ಲಿದ್ದು, ಇವೆರಡೂ ಭೂಕಂಪಗಳು ಹಿಮಾಲಯದ ಪರ್ವತ ಪ್ರದೇಶಗಳಲ್ಲಿನ  ಘರ್ಷಣೆಯ ಫಲ ಎಂದು ಅಮೆರಿಕ ಭೂವೈಜ್ಞಾನಿಕ ಸಮೀಕ್ಷೆ ಸಂಸ್ಥೆ ಹೇಳಿದೆ. ಕಂಪನ ಸ್ಥಳಕ್ಕೆ ತುರ್ತು ಪರಿಹಾರ ರಕ್ಷಣಾ ಸಿಬ್ಬಂದಿ  ತೆರಳಿ ಪರಿಹಾರ ಕಾರ್ಯಾಚರಣೆಯಲ್ಲಿ ನಿರತವಾಗಿದೆ.