ಅವಿಷ್ಕ ಗುಣವರ್ಧನೆ ಅಫ್ಘಾನಿಸ್ತಾನದ ಕೋಚ್
ಕಾಬೂಲ್, ಆಗಸ್ಟ್ 18: ತಾಲಿಬಾನಿಗಳ ಕಪಿ ಮುಷ್ಟಿಗೆ ಸಿಲುಕಿರುವ ತಮ್ಮ ದೇಶದಲ್ಲಿ ಅಫ್ಘಾನಿಸ್ತಾನ ಕ್ರಿಕೆಟ್ ಮಂಡಳಿ ಹೊಸ ನಿರ್ಣಯ ತೆಗೆದುಕೊಂಡಿದೆ. ಶ್ರೀಲಂಕಾದ ಮಾಜಿ ಆಟಗಾರ ಅವಿಷ್ಕ ಗುಣವರ್ಧನೆ ಅವರನ್ನು ತನ್ನ ರಾಷ್ಟ್ರೀಯ ಕ್ರಿಕೆಟ್ ತಂಡದ ಕೋಚ್ ಆಗಿ ನೇಮಿಸಿದೆ. ಈ ವಿಷಯವನ್ನು ಅಫ್ಘಾನಿಸ್ತಾನ ಕ್ರಿಕೆಟ್ ಮಂಡಳಿ ಅಧಿಕೃತ ಟ್ವೀಟರ್‌ ನಲ್ಲಿ ದೃಢಪಡಿಸಿದೆ.
ಗುಣವರ್ಧನೆ ಶ್ರೀಲಂಕಾ ಪರ 6 ಟೆಸ್ಟ್‌ ಗಳು, 61 ಏಕದಿನ ಪಂದ್ಯಗಳನ್ನು ಆಡಿದ್ದಾರೆ. ಟಿ 10 ಪಂದ್ಯಗಳಲ್ಲಿ ಅಕ್ರಮಗಳಲ್ಲಿ ಭಾಗಿಯಾಗಿದ್ದ ಆರೋಪ ಹೊತ್ತಿದ್ದ ಗುಣವರ್ಧನೆ ಅವರನ್ನು ಕಳೆದ ಮೇ ತಿಂಗಳಲ್ಲಿ ಐಸಿಸಿ ಆರೋಪ ಮುಕ್ತಗೊಳಿಸಿತ್ತು.
