ವೆಲಿಂಗ್ಟನ್, 10 ನ್ಯೂಜಿಲೆಂಡಿನಲ್ಲಿ  ಪ್ರಸಿದ್ಧ ವೈಟ್ ಐಲ್ಯಾಂಡ್ ಜ್ವಾಲಾಮುಖಿ ಸ್ಫೋಟ  ದುರಂತದಲ್ಲಿ ಕನಿಷ್ಠ 24 ಜನರು ಮೃತಪಟ್ಟಿದ್ದಾರೆ ಎಂದೂ ಶಂಕಿಸಲಾಗಿದ್ದು ,  ಹಲವರು ಕಾಣೆಯಾಗಿದ್ದಾರೆ, ಇನ್ನು  ಹಲವರಿಗೆ  ಗಂಭೀರ ಗಾಯಗಳಾಗಿವೆ  ಎಂದು ಪೊಲೀಸರು  ಹೇಳಿದ್ದಾರೆ.ಹಲವು ಜನರು ನಾಪತ್ತೆಯಾಗಿದ್ದಾರೆ. ಮೃತಪಟ್ಟವರಲ್ಲಿ ಹಲವು  ವಿದೇಶಿ ಪ್ರವಾಸಿಗರು ಕೂಡ ಸೇರಿದ್ದಾರೆ ಎಂದೂ  ರಕ್ಷಣಾ  ಸಿಬ್ಬಂದಿ ಹೇಳಿದ್ದಾರೆ.18 ಮಂದಿ ಗಾಯಗೊಂಡಿದ್ದು,  ಆಸ್ಪತ್ರೆಗಳಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದಾರೆ.  ಗಾಯಗೊಂಡವರ ಪೈಕಿ ಕೆಲವರು ತೀವ್ರ ಸುಟ್ಟ ಗಾಯಕ್ಕೆ ಒಳಗಾಗಿದ್ದು ಸಾವಿನ ಸಂಖ್ಯೆ ಮತ್ತುಷ್ಟು ಹೆಚ್ಚಾಗುವ ಸಾಧ್ಯತೆಯಿದೆ ಎನ್ನಲಾಗಿದೆ.

 ಜ್ವಾಲಾಮುಖಿಯಲ್ಲಿ ಸಿಕ್ಕಿ ಹಾಕಿಕೊಂಡವರ ಪೈಕಿ ಹಲವು   ವಿದೇಶಿಯರೂ ಇದ್ದಾರೆ ಎಂಬುದನ್ನೂ   ಪ್ರಧಾನಿ ಜಸಿಂಡ ಆರ್ಡರ್ನ್ ಖಚಿತಪಡಿಸಿದ್ದಾರೆ.'ಜ್ವಾಲಾಮುಖಿ ಸ್ಫೋಟದ ಸಂದರ್ಭದಲ್ಲಿ ದ್ವೀಪದ  ಸುತ್ತಮುತ್ತ ನ್ಯೂಜಿಲ್ಯಾಂಡ್ ಮತ್ತು ವಿದೇಶಿ  ಪ್ರವಾಸಿಗರಿದ್ದರು ಎಂದು ಅವರು ಹೇಳಿದ್ದಾರೆ. .ಜ್ವಾಲಾಮುಖಿ ಸ್ಫೋಟಗೊಂಡ ಬಳಿಕ ರಕ್ಷಣಾ ಕಾರ್ಯಾಚರಣೆ ನಡೆಸುವುದು ತೀರಾ ಅಪಾಯಕಾರಿ ಎಂದು  ಪೊಲೀಸರು ಹೇಳಿದ್ದಾರೆ.ಜ್ವಾಲಾಮುಖಿ ಸ್ಫೋಟಿಸಿದಾಗ ಆಗ ಆ ಸ್ಥಳದಲ್ಲಿ ಸುಮಾರು 50 ಜನರಿದ್ದರು ಎನ್ನಲಾಗಿದ್ದು, ರಾತ್ರಿಯಾಗಿರುವುದರಿಂದ ರಕ್ಷಣಾ ಕಾರ್ಯಾಚರಣೆ  ಬಹಳ ಕಷ್ಟವಾಗಿದೆ ಎಂದೂ  ಅಧಿಕಾರಿಗಳು ಹೇಳಿದ್ದಾರೆ.