ಬೈಲಹೊಂಗಲ್  26 : ತಾಲೂಕಿನ ಬೂದಿಹಾಳ್ ಗ್ರಾಮದಲ್ಲಿ ಅಕ್ಷರ್ ಫೌಂಡೇಶನ್, ಗಣಿತ ಕಲಿಕಾ ಆಂದೋಲನ ಕಾರ್ಯಕ್ರಮದ ವತಿಯಿಂದ ಬೇಸಿಗೆ ಶಿಬಿರವನ್ನು ಹಮ್ಮಿಕೊಳ್ಳಲಾಯಿತು. ಶಿಬಿರದಲ್ಲಿ ಚಟುವಟಿಕೆ ಆಧಾರಿತ ಅಭ್ಯಾಸಗಳನ್ನು ನೀಡಲಾಯಿತು. ಶಿಬಿರದಲ್ಲಿ ಒಟ್ಟು 42 ವಿದ್ಯಾರ್ಥಿಗಳು ಭಾಗಿಯಾಗಿದ್ದು ಅಕ್ಷರ್ ಫೌಂಡೇಶನ್ ದ ಕ್ಲಸ್ಟರ್ ಸಂಯೋಜಕರಾದ ಗಿರಿ ಗೌಡ ಪಾಟೀಲ್ ಇವರು ಮಕ್ಕಳಿಗೆ ಚಟುವಟಿಕೆ ಆಧಾರಿತ ಅಭ್ಯಾಸಗಳಲ್ಲಿ ಗ್ರಾಮದ ನಕ್ಷೆ, ಒಟ್ಟು ಮನೆಗಳಸಂಖ್ಯೆ, ಒಟ್ಟು ಜನಸಂಖ್ಯೆ, ಗ್ರಾಮದಲ್ಲಿರುವ ಗಿಡಮರಗಳ ಹೆಸರು, ಬೆಳೆಗಳ ಹೆಸರು, ಕನ್ನಡ ಇಂಗ್ಲಿಷ್ ಪದಗಳನ್ನು ಬರೆಯುವುದು ಹಾಗೂ ಚಿತ್ರ ಬಿಡಿಸುವುದು ಹೀಗೆ ಅನೇಕ ಚಟುವಟಿಕೆ ಆಧಾರಿತ ಅಭ್ಯಾಸಗಳನ್ನು ಮಾಡಿಸುವುದಾಗಿ ತಿಳಿಸಿದರು. 

 ಈ ಅಭ್ಯಾಸಗಳಿಂದ ತಮ್ಮ ಗ್ರಾಮದ ಹಾಗೂ ಸುತ್ತಮುತ್ತಲಿ ಪರಿಸರದ ಮಾಹಿತಿಯನ್ನು ತಿಳಿದುಕೊಂಡು ತಮ್ಮ ಜ್ಞಾನವನ್ನು ತಾವೇ ವೃದ್ಧಿಸಿಕೊಳ್ಳುವ ನಿಟ್ಟಿನಲ್ಲಿ ಕಾರ್ಯಕ್ರಮವನ್ನು ಹಮ್ಮಿಕೊಳ್ಳಲಾಯಿತು. ವಿದ್ಯಾರ್ಥಿಗಳಿಗೆ ಕನ್ನಡ ಓದಲು ಹಾಗೂ ಇನ್ನಿತರ ಚಟುವಟಿಕೆಗಳನ್ನು ಮಾಡಿಸಲಾಯಿತು. ಈ ಬೇಸಿಗೆ ಶಿಬಿರ ಕಾರ್ಯಕ್ರಮದಲ್ಲಿ ಎಸ್‌ಡಿಎಂಸಿ ಅಧ್ಯಕ್ಷರಾದ ಶಿವಾನಂದ್  ಚಚಡಿ ಹಾಗೂ ಸದಸ್ಯರಾದ ಬಾಬು ಕುಲಕರ್ಣಿ ಪಾಲಕರಾದ ಪರಶುರಾಮ್ ಅಳಗುಂಡಿ ಸ್ವಯಂಸೇವಕರಾದ ಮಾದರ್ ಸರ  ಹಾಗೂ ಇನ್ನಿತರರು ಭಾಗವಹಿಸಿದ್ದರು