ಕಂದಹಾರ್ ಪ್ರಾಂತ್ಯದಲ್ಲಿ 30 ತಾಲಿಬಾನ್ ಉಗ್ರರ ಹತ್ಯೆ- ಆಫ್ಘನ್ ಸೇನೆ
ಕಾಬೂಲ್, ಮಾರ್ಚ್ 10 :ಅಫ್ಘಾನಿಸ್ತಾನ ಸಶಸ್ತ್ರ ಪಡೆಗಳು ದಕ್ಷಿಣ ಪ್ರಾಂತ್ಯವಾದ ಕಂದಹಾರ್‌ನಲ್ಲಿ ತಾಲಿಬಾನ್ ಉಗ್ರರ ವಿರುದ್ಧ ನಡೆಸಿದ ಕಾರ್ಯಾಚರಣೆಯಲ್ಲಿ 30 ಉಗ್ರರು ಹತರಾಗಿದ್ದು, ಇತರ 8 ಮಂದಿ ಗಾಯಗೊಂಡಿದ್ದಾರೆ ಎಂದು ಆಫ್ಘನ್ ರಕ್ಷಣಾ ಸಚಿವಾಲಯದ ವಕ್ತಾರ ಫವಾದ್ ಅಮನ್ ಬುಧವಾರ ಸ್ಪುಟ್ನಿಕ್ ಸುದ್ದಿಸಂಸ್ಥೆಗೆ ತಿಳಿಸಿದ್ದಾರೆ.ಕಳೆದ 24 ಗಂಟೆಗಳಲ್ಲಿ ಪ್ರಾಂತ್ಯದ ಜಿಲ್ಲೆಗಳಾದ ಅರ್ಘಂದಾಬ್ ಮತ್ತು ಜಾರಿ ಯಲ್ಲಿ ಕಾರ್ಯಾಚರಣೆ ನಡೆಸಲಾಗಿತ್ತು ಎಂದು ಅಧಿಕಾರಿ ತಿಳಿಸಿದ್ದಾರೆ.ಕಳೆದ ಸೆಪ್ಟೆಂಬರ್‌ನಲ್ಲಿ ಕತಾರ್ ನ ದೋಹಾದಲ್ಲಿ ಆಫ್ಘನ್ ಸರ್ಕಾರ ಮತ್ತು ತಾಲಿಬಾನ್ ನಡುವೆ ಶಾಂತಿ ಮಾತುಕತೆ ನಡೆದಿದ್ದರೂ, ಆಫ್ಘಾನಿಸ್ತಾನದಲ್ಲಿ ಹಿಂಸಾಚಾರ ಮತ್ತು ಘರ್ಷಣೆಗಳು ಮುಂದುವರೆದಿವೆ. ಈ ಮಧ್ಯೆ, ಆಫ್ಘಾನಿಸ್ತಾನ ಸಶಸ್ತ್ರ ಪಡೆಗಳು ತಾಲಿಬಾನ್ ವಿರುದ್ಧದ ವಿಶೇಷ ಕಾರ್ಯಾಚರಣೆಗಳ ಬಗ್ಗೆ ನಿರಂತರವಾಗಿ ವರದಿ ಮಾಡುತ್ತಿವೆ, ಸದ್ಯ,ಆಫ್ಘಾನಿಸ್ತಾನ ನೆಲದಲ್ಲಿ ಆಫ್ಘನ್ ಪಡೆಗಳು ಮೂರನೇ ನಾಲ್ಕು ಭಾಗದಷ್ಟು ಪ್ರದೇಶವನ್ನು ನಿಯಂತ್ರಿಸುತ್ತಿವೆ ಎಂದು ಆಫ್ಘಾನಿಸ್ತಾನದಲ್ಲಿನ ರಷ್ಯಾದ ವಿಶೇಷ ಅಧ್ಯಕ್ಷೀಯ ಪ್ರತಿನಿಧಿ ಜಮೀರ್ ಕಬುಲೋವ್ ಹೇಳಿದ್ದಾರೆ.
