ಲಂಡನ್, ಡಿಸೆಂಬರ್ 3-ನ್ಯಾಟೋ ಶೃಂಗಸಭೆಯಲ್ಲಿ ಭಾಗವಹಿಸಲು  ಅಮೆರಿಕ  ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಮಂಗಳವಾರ  ಇಲ್ಲಿಗೆ ಆಗಮಿಸಿದ್ದಾರೆ.  

"ಇದೀಗ ಯುನೈಟೆಡ್ ಕಿಂಗ್‌ಡಂಗೆ ಆಗಮಿಸಿದ್ದು  ನಾಳೆ ಶೃಂಗಸಭೆಗೆ ಹಾಜರಾಗುವೆ ಎಂದು   ಟ್ರಂಪ್ ಟ್ವಿಟರ್‌ನಲ್ಲಿ ತಿಳಿಸಿದ್ದಾರೆ.

ಮಂಗಳವಾರ, ಟ್ರಂಪ್ ನ್ಯಾಟೋ ಪ್ರಧಾನ ಕಾರ್ಯದರ್ಶಿ ಜೆನ್ಸ್ ಸ್ಟೋಲ್ಟೆನ್ಬರ್ಗ್ ಮತ್ತು ಫ್ರೆಂಚ್ ಅಧ್ಯಕ್ಷ ಎಮ್ಯಾನುಯೆಲ್ ಮ್ಯಾಕ್ರನ್ ಅವರನ್ನು ಭೇಟಿಯಾಗಿ ಮಾತುಕತೆ  ಮಾಡಲಿದ್ದಾರೆ. ಬುಧವಾರ,  ಜರ್ಮನ್ ಚಾನ್ಸೆಲರ್ ಏಂಜೆಲಾ ಮರ್ಕೆಲ್ ಅವರೊಂದಿಗೆ ದ್ವಿಪಕ್ಷೀಯ ಮಾತುಕತೆ ನಡೆಸಲಿದ್ದಾರೆ.

ನ್ಯಾಟೋ ಸದಸ್ಯ ರಾಷ್ಟ್ರಗಳ ನಾಯಕರು ಶೃಂಗಸಭೆಯ ಕೊನೆಯಲ್ಲಿ ಅಂತಿಮ ಸಂವಾದ ಮೂಲಕ  ಅಂತಿಮ ನಿರ್ಣಯ  ಕೈಗೊಳ್ಳುವ  ನಿರೀಕ್ಷೆಯಿದೆ.  

ಇದಲ್ಲದೆ, ಜರ್ಮನಿ, ಫ್ರಾನ್ಸ್, ಯುನೈಟೆಡ್ ಕಿಂಗ್‌ಡಮ್ ಮತ್ತು ಟರ್ಕಿಯ ನಾಯಕರು ಒಟ್ಟಾಗಿ ಸಭೆ ನಡೆಸಿ ಸಿರಿಯಾದ ಇತ್ತಿಚಿನ  ಪರಿಸ್ಥಿತಿ ಕುರಿತು ಚರ್ಚಿಸುವ ನಿರೀಕ್ಷೆಯಿದೆ.