ಮೆಕ್ಸಿಕೊದಲ್ಲಿ 24 ಗಂಟೆಗಳಲ್ಲಿ 21,366 ಹೊಸ ಪ್ರಕರಣ ದಾಖಲು

ಮೆಕ್ಸಿಕೊಸಿಟಿ,  ಜನವರಿ 16 :  ಮೆಕ್ಸಿಕೊದಲ್ಲಿ ಕಳೆದ  24 ಗಂಟೆಗಳಲ್ಲಿ 21,366 ಹೊಸ ಕೊರೋನ ಪ್ರಕರಣ ದಾಖಲಾಗಿದೆ ಎಂದು ರಾಷ್ಟ್ರೀಯ ಆರೋಗ್ಯ ಸಚಿವಾಲಯ ತಿಳಿಸಿದೆ. ಈವರೆಗೆ ದೇಶದಲ್ಲಿ ಕೊರೋನ ಪ್ರಕರಣಗಳ  ಸಂಖ್ಯೆ 1,609,735 ಕ್ಕೆ ತಲುಪಿದೆ ಎಂದು ಸಚಿವಾಲಯ ಶುಕ್ರವಾರ ತಿಳಿಸಿದೆ. ಇದೇ ಅವಧಿಯಲ್ಲಿ ಸಾವಿನ ಸಂಖ್ಯೆ 1,106 ರಷ್ಟು ಏರಿಕೆಯಾಗಿದೆ. ಕಳದೆ  ಮಾರ್ಚ್ 11 ರಂದು ವಿಶ್ವ ಆರೋಗ್ಯ ಸಂಸ್ಥೆ ಕೋವಿಡ್ -19 ಏಕಾಏಕಿ ಸಾಂಕ್ರಾಮಿಕ ರೋಗ ಎಂದು ಘೋಷಿಸಿತು. ಇಲ್ಲಿಯವರೆಗೆ, ವಿಶ್ವದಾದ್ಯಂತ 93.7 ದಶಲಕ್ಷಕ್ಕೂ ಹೆಚ್ಚು ಜನರು ಕರೋನ  ಸೋಂಕಿಗೆ ಒಳಗಾಗಿದ್ದಾರೆ, 2 ದಶಲಕ್ಷಕ್ಕೂ ಹೆಚ್ಚು ಸಾವು-ನೋವುಗಳಾಗಿವೆ ಎಂದು ಅಮೆರಿಕದ  ಜಾನ್ಸ್ ಹಾಪ್ಕಿನ್ಸ್ ವಿಶ್ವವಿದ್ಯಾಲಯದ ವರದಿ  ತಿಳಿಸಿದೆ.