ಲೋಕದರ್ಶನ ವರದಿ 

ಜಮಖಂಡಿ 25: ಯೋಗವೇ ಆರೋಗ್ಯದ ಮೂಲವಾಗಿದೆ. ಪ್ರತಿಯೊಬ್ಬರು ಪ್ರತಿದಿನ ಯೋಗಾಭ್ಯಾಸ ಮಾಡಬೇಕು ಎಂದು ಡಾ.ವಿಜಯ ಮೈತ್ರಿ ಹೇಳಿದರು.  ನಗರದ ಎಜಿಎಂ ಆಯುರ್ವೇದ ವೈದ್ಯಕೀಯ ಮಹಾವಿದ್ಯಾಲಯದಲ್ಲಿ ಆಯೋಜಿಸಿದ್ದ ಅಂತಾರಾಷ್ಟ್ರೀಯ ಯೋಗ ದಿನವನ್ನು ಉದ್ದೇಶಿಸಿ ಮಾತನಾಡಿದ ಅವರು, ಯೋಗದಿಂದ ಸಕಲ ರೋಗಗಳಿಗೂ ಪರಿಹಾರ ದೊರೆಯಲಿದೆ ಸನಾತನವಾದ ಯೋಗವನ್ನು ಪ್ರತಿಯೊಬ್ಬರು ದಿನಚರಯಲ್ಲಿ ಅಳವಡಿಸಿಕೊಳ್ಳಬೇಕು ಎಂದರು. 

ಕಾರ್ಯಕ್ರಮದ ಅಧ್ಯಕ್ಷತೆ ವಹಿಸಿದ್ದ ಪ್ರಾಂಶುಪಾಲ ಡಾ, ಮುರಳಿಧರ ಬಡಿಗೇರ ಮಾತನಾಡಿ, ಯೋಗ ದೇಶದ ಸನಾತನ ಸಂಸ್ಕೃತಿಯ ಪ್ರತೀಕ ಮಾತ್ರವಲ್ಲದೇ ಆರೋಗ್ಯದ ಗುಟ್ಟಾಗಿದೆ ಯೋಗ ಪ್ರಾಣಾಯಾಮದಿಂದ ನಿರೋಗಿಗಳಾಗಿ ಜೀವನ ನಡೆಸಬಹುದು , ಆಧುನಿಕ ಜಗತ್ತು ಯೊಗದ ಮಹತ್ವವನ್ನು ತಿಳಿದು ವಿಶ್ವದೆಲ್ಲಡೆ ಯೋಗಾಭ್ಯಾಸ ನಡೆಸಲಾಗುತ್ತಿದೆ ಎಂದರು. ಕಾರ್ಯದರ್ಶಿ ಡಾ. ಅಕ್ಷಯಕುಮಾರ ಯೋಗಾಭ್ಯಾಸ ಹೇಳಿಕೊಟ್ಟರು. ಕಾಲೇಜು ಸಿಬ್ಬಂದಿಗಳು, ವಿದ್ಯಾರ್ಥಿಗಳು ಕಾರ್ಯಕ್ರಮದಲ್ಲಿ ಭಾಗವಹಿಸಿದ್ದರು.