ಸಂತ ಸೇವಾಲಾಲರ ಜೀವನ ಸಂದೇಶ ಶಾಂತಿ, ಏಕತೆ ಮತ್ತು ಧರ್ಮನಿಷ್ಠೆಯ ದಾರೀದೀಪ

ಹಾನಗಲ್ 17: ಸತ್ಯ, ಅಹಿಂಸೆ, ಮಾನವೀಯತೆ, ಸಮಾನತೆ ಮತ್ತು ಭ್ರಾತೃತ್ವದ ಸಂದೇಶ ಸಾರಿದ ಬಂಜಾರ ಸಮುದಾಯದ ಕುಲಗುರು ಸಂತ ಸೇವಾಲಾಲ ಮಹರಾಜರು ಅಂಧಶ್ರದ್ಧೆಗಳ ವಿರುದ್ಧ ಸಮಾಜದಲ್ಲಿ ಜಾಗೃತಿ ಮೂಡಿಸಿದರು ಎಂದು ಶಾಸಕ ಶ್ರೀನಿವಾಸ ಮಾನೆ ಹೇಳಿದರು. 

  ಇಲ್ಲಿನ ತಮ್ಮ ಜನಸಂಪರ್ಕ ಕಚೇರಿಯಲ್ಲಿ ನಡೆದ ಸಂತ ಸೇವಾಲಾಲ ಮಹರಾಜರ ಜಯಂತಿಯಲ್ಲಿ ಭಾಗವಹಿಸಿ ಭಾವಚಿತ್ರಕ್ಕೆ ಪುಷ್ಪನಮನ ಸಲ್ಲಿಸಿದ ಅವರು ಸೇವಾಲಾಲ ಮಹರಾಜರ ಜೀವನ ಸಂದೇಶ ಸಮಾಜದಲ್ಲಿ ಶಾಂತಿ, ಏಕತೆ ಮತ್ತು ಧರ್ಮನಿಷ್ಠ ಬದುಕಿಗೆ ದಾರೀದೀಪವಾಗಿದೆ. ಯುವ ಸಮುದಾಯದ ಅವರ ಆದರ್ಶಗಳನ್ನು ಅನುಸರಿಸಿ ಶಿಕ್ಷಣ, ಶಿಸ್ತಿನ ಬದುಕು ಹಾಗೂ ಸೇವಾ ಮನೋಭಾವ ಮೈಗೂಡಿಸಿಕೊಳ್ಳಲು ಮುಂದಾಗಬೇಕಿದೆ. ತತ್ವಗಳನ್ನು ಪಾಲಿಸುವುದೇ ಸಂತರು, ಶರಣರು, ಸೂಫಿಗಳಿಗೆ ಸಲ್ಲಿಸುವ ನಿಜವಾದ ಗೌರವ ಎಂದರು. 

  ಬ್ಲಾಕ್ ಕಾಂಗ್ರೆಸ್ ಅಧ್ಯಕ್ಷರಾದ ಮಂಜು ಗೊರಣ್ಣನವರ, ಹನುಮಂತಪ್ಪ ಮರಗಡಿ, ಕೆಪಿಸಿಸಿ ಸದಸ್ಯ ಟಾಕನಗೌಡ ಪಾಟೀಲ, ಜಿಪಂ ಮಾಜಿ ಸದಸ್ಯ ಮಹದೇವಪ್ಪ ಬಾಗಸರ, ಮುಖಂಡರಾದ ಮಂಜು ಚವ್ಹಾಣ, ರವೀಂದ್ರ ದೇಶಪಾಂಡೆ, ರಫೀಕ್ ಉಪ್ಪುಣಸಿ, ಮಾಲತೇಶ ವಾಲಿಕಾರ, ಪ್ರಕಾಶ ಭಾಗಣ್ಣನವರ, ಆದರ್ಶ ಶೆಟ್ಟಿ, ರಾಮಚಂದ್ರಕಲ್ಲೇರ ಸೇರಿದಂತೆ ಅನೇಕರಿದ್ದರು.