ಲೋಕದರ್ಶನ ವರದಿ 

ರಾಯಬಾಗ  01:  ಯುವ ಧುರೀಣ ಧುಳಗೌಡ ಪಾಟೀಲ ಅವರು ತಮ್ಮ ಜನ್ಮದಿನವನ್ನು ಅರ್ಥಪೂರ್ಣವಾಗಿ, ಸಾಮಾಜಿಕ ಕಾರ್ಯ ಕೈಗೊಳ್ಳುವುದರ ಮೂಲಕ ಆಚರಿಸಿಕೊಳ್ಳುತ್ತಿರುವುದು ಅತ್ಯಂತ ಶ್ಲಾಘನೀಯ ಎಂದು ನಂದಿಕುರಳಿ ಪಂಚಲಿಂಗೇಶ್ವರ ಮಠದ ವೀರಭದ್ರೇಶ್ವರ ಸ್ವಾಮಿಜೀ ಹೇಳಿದರು.ಸೋಮವಾರ ತಾಲೂಕಿನ ಬಾವನ ಸೌಂದತ್ತಿ ಗ್ರಾಮದ ಆದರ್ಶ ಶಿಕ್ಷಣ ಸಂಸ್ಥೆ ಸಭಾಂಗಣದಲ್ಲಿ ಧುಳಗೌಡ ಪಾಟೀಲ ಅವರ ಜನ್ಮ ದಿನ ನಿಮಿತ್ಯ ಆಯೋಜಿಸಿದ್ದ ರಕ್ತದಾನ ಶಿಬಿರ ಹಾಗೂ ಶಾಲಾ ವಿದ್ಯಾರ್ಥಿಗಳಿಗೆ ನೋಟ್‌ಬುಕ್ ವಿತರಣೆ ಕಾರ್ಯಕ್ರಮದ ಸಾನಿಧ್ಯ ವಹಿಸಿ ಮಾತನಾಡಿದ ಅವರು, ಧುಳಗೌಡ ಪಾಟೀಲ ಅವರು ತಮ್ಮ ತಂದೆಯವರಾದ ಈರಗೌಡ ಪಾಟೀಲ ಅವರ ಮಾರ್ಗದರ್ಶನದಲ್ಲಿ ಸಾಮಾಜಿಕ, ಶೈಕ್ಷಣಿಕ ಚಟುವಟಿಕೆ ಕಾರ್ಯ ಕೈಗೊಳ್ಳುವುದರ ಮೂಲಕ ಸಮಾಜದಲ್ಲಿ ಆದರ್ಶ ವ್ಯಕ್ತಿಯಾಗಿ ಬೆಳೆಯುತ್ತಿರುವುದು ಸಂತೋಷ ವಿಷಯ.  ಧುಳಗೌಡ ಅವರು ಸಮಾಜಕ್ಕೆ ಇನ್ನು ಹೆಚ್ಚಿನ ಸೇವೆ ಸಲ್ಲಿಸಲು ಭಗವಂತ ಅವರಿಗೆ ಆಯ್ಯುಷಾರೋಗ್ಯ ನೀಡಲಿ ಎಂದು ಹಾರೈಸಿದರು. ಇಂದಿನ ಯುವ ಜನಾಂಗ ನಮ್ಮ ಭಾರತೀಯ ಸಂಸ್ಕೃತಿಯನ್ನು ಉಳಿಸಿ, ಬೆಳೆಸುವತ್ತ ಎಲ್ಲರೊಂದಿಗೆ ಕೈಜೋಡಿಸಿ ಮುನ್ನಡೆಯಬೇಕು ಕರೆ ನೀಡಿದರು.ಕುಡಚಿ ಶಾಸಕ ಮಹೇಂದ್ರ ತಮ್ಮನವರ, ಉತ್ತಮ ರಾವಸಾಬ ಪಾಟೀಲ, ಈರಗೌಡ ಪಾಟೀಲ, ರಾಜು ತಳವಾರ, ಬಿ.ಎನ್‌.ಬಂಡಗರ, ಎ.ಟಿ.ಕೂಗೆ, ಜಿನೇಶ್ವರ ಮಗದುಮ, ಅಜಿತ ಕಾಮಗೌಡ, ಕಾಕಾಸಾಬ ತಡಾಕೆ, ಕುಮಾರ ಕಾಮಗೌಡ, ಉತ್ತಮ ಕಾಮಗೌಡ ರಮೇಶ ಬೆಳಗಲೆ ಸೇರಿ ಅಪಾರ ಅಭಿಮಾನಿಗಳು ಪಾಲ್ಗೊಂಡಿದ್ದರು.