ಗದಗ 7: ತಾಲೂಕಿನ ಗದಗ ವಲಯದ ಒಕ್ಕಲಿಗೇರಿ ಕಾರ್ಯಕ್ಷೇತ್ರದಲ್ಲಿ ನೇತ್ರಾವತಿ ಜ್ಞಾನವಿಕಾಸ ಕೇಂದ್ರದಲ್ಲಿ ಹೊಲಿಗೆ ತರಬೇತಿ ಕಾರ್ಯಕ್ರಮ ಉದ್ಘಾಟನೆಯನ್ನು  ತಾಲೂಕಿನ ಯೋಜನಾಧಿಕಾರಿ ಉಮಾ  ಅವರು ಉದ್ಘಾಟನೆ ಮಾಡಿ ಎಲ್ಲಾ ಸದಸ್ಯರಿಗೂ ಸ್ವ ಉದ್ಯೋಗದ ಬಗ್ಗೆ ಮತ್ತು ಕುಟುಂಬದ ನಿರ್ವಹಣೆ ಬಗ್ಗೆ ಮಾಹಿತಿ ಮಾರ್ಗದರ್ಶನ ನೀಡಿದರು. 

ರಾಚೋಟೇಶ್ವರ  ಕಮಿಟಿಯ  ಸದಸ್ಯ  ಕೊಟ್ರ​‍್ಪ  ಕಮತರ  ಮತ್ತು ಮಹಿಳಾ ಮತ್ತು ಮಕ್ಕಳ ಕಲ್ಯಾಣ ಅಭಿವೃದ್ಧಿಯ ಸಂಯೋಜಕಿ  ರಾಜೇಶ್ವರಿ  ಅವರು ಮಹಿಳಾ ಕಲ್ಯಾಣ ಮಹಿಳಾ  ಮತ್ತು  ಮಕ್ಕಳ ಅಭಿವೃದ್ಧಿ ಇಲಾಖೆಯಲ್ಲಿ ಮಹಿಳೆಯರಿಗೆ ಸಿಗುವ ಸೌಲಭ್ಯದ ಬಗ್ಗೆ ಮಾಹಿತಿಯನ್ನು ನೀಡಿದರು. 

ಸಭೆಯಲ್ಲಿ  ಸುವರ್ಣ ನಾಲವಾಡ  ಅಧ್ಯಕ್ಷತೆವಹಿಸಿದ್ದರು. ಹೊಲಿಗೆ  ತರಬೇತಿಗೆ  ಶಿಕ್ಷಕಿ  ಆಶಾ ದೇಸಾಯಿ  ಉಪಸ್ಥಿತರಿದ್ದರಿ. ವಲಯದ ಮೇಲ್ವಿಚಾರಕರಾದ ಲಕ್ಷ್ಮೀ ಹಾಗೂ ಜ್ಞಾನವಿಕಾಸ ಸಮನ್ವಯಾಧಿಕಾರಿ ಗಂಗಮ್ಮ ಮತ್ತು ಸೇವಾ ಪ್ರತಿನಿಧಿಯಾದ ನಂದಾ ಅವರು ಹಾಗೂ ಕೇಂದ್ರದ ಸರ್ವ ಸದಸ್ಯರು ಉಪಸ್ಥಿತರಿದ್ದರು. 

 ಕಾರ್ಯಕ್ರಮ ನಿರೂಪಣೆ ಭುವನೇಶ್ವರಿ ಅವರು ಮಾಡಿದರು ಅನ್ನಪೂರ್ಣ ವಂದಿಸಿದರು.