ಕಾರವಾರದಲ್ಲಿ ರಭಸದ ಗಾಳಿ ಮಳೆ

ಕಾರವಾರದಲ್ಲಿ ರಭಸದ ಗಾಳಿ ಮಳೆ   

ಕಾರವಾರ  25: ಉತ್ತರ ಕನ್ನಡ ಜಿಲ್ಲೆಯ ಕಾರವಾರದಲ್ಲಿ ಶನಿವಾರ ಭಾರೀ ಮಳೆ ಸರಿಯಿತು. ಶನಿವಾರ ಬೆಳಗಿನ ಜಾವ 3 ಗಂಟೆಯಿಂದ 9 ಗಂಟೆ ತನಕ ಸತತ ಮಳೆ ಸುರಿಯಿತು. ಪರಿಣಾಮ ಕಾರವಾರ ತಾಲೂಕಿನ ಶಾಲೆಗಳಿಗೆ ರಜೆ ಘೋಷಿಸಲಾಗಿತ್ತು. ಅಂಕೋಲಾದ ಹಾರವಾಡ, ಬೇಲೇಕೇರಿ.ಭಾವಿಕೇರಿ, ಕುಮಟಾದ ಹನೇಹಳ್ಳಿ ಯಲ್ಲಿ ಭಾರೀ ಮಳೆ ಸುರಿಯಿತು.ಶನಿವಾರ ಹಗಲು ಕರಾವಳಿ ತಾಲೂಕುಗಳಲ್ಲಿ ಆಗಾಗ ರಭಸದಮಳೆ ಸುರಿದಿದೆ. ವೈಲವಾಡದಲ್ಲಿ 60 ಮಿಲಿಮೀಟರ್, ಮುಡಗೇರಿ 49,ಅಸ್ನೊಟಿ 54, ಮಾಜಾಳಿ 58, ಶಿರವಾಡ 44, ಗೋಟೆಗಾಳಿಯಲ್ಲಿ 42, ಹಾರವಾಡದಲ್ಲಿ 80, ಹೊನ್ನಾವರದ ಹಳದಿಪುರದಲ್ಲಿ 62 , ಅಂಕೋಲಾದಲ್ಲಿ 49, ಬೇಲೇಕೇರಿ 76, ಬಾವಿಕೇರಿ 65.5, ಸಗಡಗೇರಿ 47, ಹಟ್ಟಿಕೇರಿ 68, ಕುಮಟಾ 73 ಮಿಲಿಮೀಟರ್ ಮಳೆಯಾಗಿದೆ. ಇನ್ನು ಘಟ್ಟದ ಮೇಲೆ ದಾಂಡೇಲಿ ,ಹಳಿಯಾಳದಲ್ಲಿ ಶನಿವಾರ ತುಂತುರು ಮಳೆಯಾಗಿದೆ. ದಾಂಡೇಲಿ, ಜೊಯಿಡಾದಲ್ಲಿ ತುಂತುರು ಮಳೆಯಾಗಿದೆ. ಘಟ್ಟದ ಇತರೆ ತಾಲೂಕುಗಳಲ್ಲಿ ಸಹ ಸಣ್ಣ ಮಳೆ ಸುರಿದಿದೆ. ಎಲ್ಲಿಯೂ ಹೆಚ್ಚಿನ ಅನಾಹುತ ಸಂಭವಿಸಿಲ್ಲ. ಅ.27 ರತನಕ ಮಳೆ ಮುಂದುವರಿಯಲಿದೆ .ಕಡಲಿಗೆ ಇಳಿಯದಂತೆ ಮೀನುಗಾರರಿಗೆ ಎಚ್ಚರಿಕೆ ನೀಡಲಾಗಿದೆ.