ಆಫ್ರಿಕನ್ ಹಂದಿ ಜ್ವರದ ಮೊದಲ ಕೇಸ್ ಬರೇಲಿಯಲ್ಲಿ ಪತ್ತೆ: ಹಂದಿ ಮಾಂಸ ತಿನ್ನಬಹುದಾ?

ಬರೇಲಿ: ಜುಲೈ 21 :ಉತ್ತರ ಪ್ರದೇಶದ ಬರೇಲಿಯಲ್ಲಿ ಆಫ್ರಿಕನ್ ಹಂದಿ ಜ್ವರ (ಎಎಸ್‌ಎಫ್) ಮೊದಲ ಪ್ರಕರಣ ವರದಿಯಾದ ನಂತರ, ಪ್ರಾಣೆ ಸಾಕಣೆಗಾರರಲ್ಲಿ ಸಂಚಲನ ಉಂಟಾಗಿದೆ. ಭಾರತೀಯ ಪಶುವೈದ್ಯಕೀಯ ಸಂಶೋಧನಾ ಸಂಸ್ಥೆ (IVRI) ಹಂದಿಯ ಸಾವಿನ ನಂತರ ಮಾದರಿಯನ್ನು ಪರೀಕ್ಷಿಸಿದೆ, ಅದರ ASF RTPCR ಧನಾತ್ಮಕ ಫಲಿತಾಂಶ ಬಂದಿದೆ. ಮುಖ್ಯ ಪಶುವೈದ್ಯ ಅಧಿಕಾರಿ (CVO) ಗೆ ಐವಿಆರ್‌ಐ ಎಚ್ಚರಿಕೆ ಸಂದೇಶ ರವಾನಿಸಿದೆ.

ಮಿಜೋರಾಂ, ತ್ರಿಪುರಾ ಮತ್ತು ಅಸ್ಸಾಂ ನಂತರ ಎಎಸ್‌ಎಫ್‌ನ ಮೊದಲ ಪ್ರಕರಣ ಬರೇಲಿಯಲ್ಲಿ ವರದಿಯಾಗಿದೆ ಎಂದು ಐವಿಆರ್‌ಐ ಬರೇಲಿ ಕೆಡೆಟ್‌ನ ಜಂಟಿ ನಿರ್ದೇಶಕ ಡಾ.ಕೆ.ಪಿ.ಸಿಂಗ್ ಗುರುವಾರ ಹೇಳಿದ್ದಾರೆ. ಕೆಲವು ದಿನಗಳ ಹಿಂದೆ, ಬರೇಲಿ ಜಿಲ್ಲೆಯ ನವಾಬ್‌ಗಂಜ್ ತಹಸಿಲ್‌ನ ಭಾದ್ಸರ್ ದಾಂಡಿಯಾ ಗ್ರಾಮದ ನಿವಾಸಿ ಪಶುಪಾಲಕರಾದ ಡಾ.ಅನಿಲ್ ಕುಮಾರ್ ಅವರ ಹಂದಿಗೆ ತೀವ್ರ ಜ್ವರ ಬಂದಿತ್ತು. ಬಳಿಕ ಅದು ತುಂಬಾ ದುರ್ಬಲಗೊಂಡು ತಿನ್ನುವುದನ್ನು ನಿಲ್ಲಿಸಿತು. ತುಂಬಾ ದುರ್ಬಲವಾಗಿದ್ದರಿಂದ ಚಿಕಿತ್ಸೆ ಕೊಡಸಲಾಯಿತು, ಆದರೆ ಔಷಧವು ಯಾವುದೇ ಪರಿಣಾಮ ಬೀರಲಿಲ್ಲ. ಚಿಕಿತ್ಸೆ ವೇಳೆ ಅದು ಮೃತಪಟ್ಟಿತು.

ಅನಿಲ್ ಕುಮಾರ್, ಸತ್ತ ಹಂದಿಯ ಮಾದರಿಯನ್ನು ತೆಗೆದುಕೊಂಡು ಅದನ್ನು ಪರೀಕ್ಷೆಗಾಗಿ ಐವಿಆರ್ಐಗೆ ಕಳುಹಿಸಿದ್ದರು, ಬಳಿಕ ಅದರಲ್ಲಿ ಆಫ್ರಿಕನ್ ಹಂದಿ ಜ್ವರ ಇರುವುದು ದೃಢಪಟ್ಟಿತು. ಇದಾದ ಬಳಿಕ ಗ್ರಾಮಕ್ಕೆ ತಂಡವನ್ನು ಕಳುಹಿಸಲು ಐವಿಆರ್ ಐ ನಿರ್ಧರಿಸಿದೆ.

ಐವಿಆರ್‌ಐ ತಂಡವು ಗ್ರಾಮಕ್ಕೆ ತೆರಳಲಿದ್ದು, ಹಂದಿಗಳಲ್ಲಿ ಸೋಂಕು ಪರೀಕ್ಷೆ ನಡೆಸಲಿದೆ ಎಂದು ಡಾ.ಸಿಂಗ್ ತಿಳಿಸಿದ್ದಾರೆ. ಇದರೊಂದಿಗೆ ಜಾನುವಾರು ಮಾಲೀಕರಿಗೆ ಇಂತಹ ಲಕ್ಷಣಗಳು ಕಂಡುಬಂದಿದ್ದರೆ ಕೂಡಲೇ ಕ್ವಾರಂಟೈನ್‌ಗೆ ಒಳಗಾಗುವಂತೆ ಸೂಚಿಸಲಾಗಿದೆ. ಐವಿಆರ್‌ಐ ಮುಖ್ಯ ಪಶುವೈದ್ಯಾಧಿಕಾರಿ (ಸಿವಿಒ) ಬರೇಲಿ ಅವರಿಗೆ ಪತ್ರವನ್ನು ಕಳುಹಿಸಿದ್ದು, ಸಲಹೆಯನ್ನು ನೀಡುವಂತೆ ಕೇಳಿದೆ. ಸೋಂಕು ದೃಢಪಟ್ಟ ಪ್ರದೇಶ ಎಂದು ಐವಿಆರ್‌ಐ ಹೇಳಿದೆ. ಒಂದು ಕಿಲೋಮೀಟರ್ ವ್ಯಾಪ್ತಿಯ ಪ್ರದೇಶವನ್ನು ಸೋಂಕಿತ ವಲಯ ಎಂದು ಘೋಷಣೆ ಮಾಡಿದೆ. ಈ ಕಾಯಿಲೆಗೆ ಲಸಿಕೆ ತಯಾರಿಸುವಲ್ಲಿ ಐವಿಆರ್‌ಐ ನಿರತವಾಗಿದೆ ಎಂದು ಡಾ ಸಿಂಗ್ ತಿಳಿಸಿದರು.

ಹಂದಿಮಾಂಸ ಸೇವನೆಯನ್ನು ನಿಷೇಧಿಸುವ ಬಗ್ಗೆ ಐವಿಆರ್‌ಐ ಕೂಡ ಚರ್ಚೆ ಮಾಡಿದೆ. ಈ ಸೋಂಕಿನಿಂದ ಮನುಷ್ಯರಿಗೆ ಅಪಾಯವಿಲ್ಲ. ಆದರೆ ಹಂದಿಯೊಂದಿಗೆ ಸಂಪರ್ಕಕ್ಕೆ ಬರುವ ಜಾನುವಾರು ಮಾಲೀಕರು ಅಥವಾ ಕೆಲಸಗಾರರು ಅದನ್ನು ಇತರ ಪ್ರಾಣಿಗಳಿಗೆ ಹರಡುವ ಸಾಧ್ಯತೆ ಇದೆ. ಈ ವೈರಸ್ ಮೊದಲ ಬಾರಿಗೆ 1920 ರಲ್ಲಿ ಆಫ್ರಿಕಾದ ಪ್ರಾಣಿಗಳಲ್ಲಿ ಕಾಣಿಸಿಕೊಂಡಿತ್ತು.