ಸಮುದ್ರದಲ್ಲಿ ಅಲೆಗೆ ಸಿಲುಕಿ 17 ವರ್ಷದ ಬಾಲಕ ಸಾವು

ಕಾರವಾರ 17:  ಮಾಜಾಳಿ ರಾಮನಾಥ ಕಡಲತೀರದಲ್ಲಿ ಸಮುದ್ರದ ಅಲೆಗೆ ಸಿಲುಕಿ 17 ವರ್ಷದ ಬಾಲಕ ಯಶ್ ಶಾಮ್ ಮಹಾಲೆ ಮಂಗಳವಾರ ಮೃತಪಟ್ಟಿದ್ದಾನೆ. ಶಿವರಾತ್ರಿ ಅಮಾವಾಸ್ಯೆ ಪ್ರಯುಕ್ತ  ಮಜಾಳಿ, ಅಂಗಡಿ,ಅಸ್ನೋಟಿ, ಬಾವುಳ ಸೇರಿದಂತೆ ಏಳು ದೇವಸ್ಥಾನದ ದೇವರು ಪಲ್ಲಕ್ಕಿ ಯಲ್ಲಿ ತಂದು ಸಮುದ್ರ ಸ್ನಾನದ ಸಂಪ್ರದಾಯ ಜಾರಿಯಲ್ಲಿದೆ.

ಈ ವೇಳೆ ಜನರು ಸಹ ಸಮುದ್ರ ಸ್ನಾನಕ್ಕೆ ಇಳಿಯುತ್ತಾರೆ. ಸಮುದ್ರ ತುಂಬಾ ಪ್ರಕ್ಷುಬ್ಧ ಇರುವ ಕಾರಣ ಬಾಲಕ ಯಶ್ ಅಲೆಗೆ ಸಿಲುಕಿ ಅಸ್ವಸ್ಥಗೊಂಡಿದ್ದಾನೆ. ಆಸ್ಪತ್ರೆಗೆ ಸಾಗಿಸುವ ಮಾರ್ಗದಲ್ಲಿ ಆತ ಮೃತಪಟ್ಟ ಎಂದು ಪೊಲೀಸ್ ಮೂಲಗಳು ತಿಳಿಸಿವೆ. ಮತ್ತೊಬ್ಬ ಯುವಕ ಮೂರ್ಚೆ ಕಾಯಿಲೆ ಪ್ರಯುಕ್ತ ಕಡಲದಂಡೆಯಲ್ಲಿ ಬಿದ್ದನಾದರೂ, ಚೇತರಿಸಿಕೊಂಡ ಎಂದು ಸಾರ್ವಜನಿಕರು ಹೇಳಿದ್ದಾರೆ. ಬಿಸಿಲ ಝಳ ಹಾಗೂ ಪ್ರಕ್ಷುಬ್ಧ ಸಮುದ್ರದ ಕಾರಣ ಬಾಲಕ ಮೃತಪಟ್ಟ ದುರ್ಘಟನೆ ನಡೆದು ಹೋಗಿದೆ. ಚಿತ್ತಾಕುಲ ಪೊಲೀಸರು ಪ್ರಕರಣ ದಾಖಲಿಸಿಕೊಂಡಿದ್ದಾರೆ.