ಬೆಳಗಾವಿ : ಶಾಲಾ ಕಾಲೇಜುಗಳಲ್ಲಿ ಹಿಜಾಬ್ ಧರಿಸಬಹುದು ಎಂದು ರಾಜ್ಯ ಸರಕಾರದ ನಿರ್ಧಾಕ್ಕೆ ಕೆಂಡವಾಗಿರುವ ಶ್ರೀರಾಮಸೇನೆ ಕಾರ್ಯಕರ್ತರು ಬೆಳಗಾವಿಯ ಶಾಲಾಕಾಲೇಜುಗಳ ವಿಧ್ಯಾರ್ಥಿಗಳಿಗೆ ಕೇಸರಿ ಶಾಲು ವಿತರಿಸಲು ಹೊರಟಾಗ ಪೊಲೀಸರು ವಶಕ್ಕೆ ಪಡೆದ ಘಟನೆ ಸಾಹಿತ್ಯ ಭವನದ‌ ಬಳಿ ನಡೆಯಿತು. 

     11 ಗಂಟೆ ಸುಮಾರರಿಗೆ ಕನ್ನಡ ಸಾಹಿತ್ಯ ಭವನ ಬ‌ಳಿ ಜಮಾವಣೆಗೊಂಡ ಶ್ರೀರಾಮಸೇನೆ ಕಾರ್ಯಕರ್ತರು ರಾಜ್ಯ ಸರಕಾರದ ಶಿಕ್ಷಣ ಸಚಿವ ಮಧು ಬಂಗಾರಪ್ಪ ಅವರ ಶಾಲೆಗಳಲ್ಲಿ ಹಿಜಾಬ್ ಹಾಕಬಹುದು ಎನ್ನುವ ಹೇಳಿಕೆಯನ್ನು‌ ಖಂಡಿಸಿ ಬೆಳಗಾವಿಯ ಶಾಲಾಕಾಲೇಜುಗಳಿಗೆ ಕೇಸರಿ ಶಾಲು ವಿರತಣೆಗೆ ಮುಂದಾಗಿದ್ದರು. 

    ಇದೇ ವೇಳೆ ಜಿಲ್ಲಾ ಶ್ರೀರಾಮಸೇನೆ ಅಧ್ಯಕ್ಷ ರವಿಕುಮಾರ ಕೋಕಿತಕರ್ ಮಾತನಾಡಿ, ಮತಬ್ಯಾಂಕ್ ಗಾಗಿ ಕಾಂಗ್ರೆಸ್ ಸರಕಾರ ಹಿಜಾಬ್ ಹಾಕಬಹು ಎಂದು ಹೇಳುವ ಮೂಲಕ ಮತಭೇದ ಮಾಡಲು ಹೊರಟಿದೆ. ಪ್ರತಿ ಶಾಲೆಗಳ ವಿದ್ಯಾರ್ಥಿ ಸಮವಸ್ತ್ರ ಕಡ್ಡಾಯ ಇರುತ್ತದೆ. ಆದರೆ ಸರಕಾರ ಒಂದು ಸಮುದಾಯವನ್ನು ಎತ್ತಿಕಟ್ಟುವ ಹಾಗೂ ಮುಸ್ಲಿಂ ರನ್ನು ಎತ್ತಿ ಹಿಡಿದು ಹಿಂದುಗಳನ್ನು ಕೆಳಗೆ ತುಳಿಯುವ  ಕಾರ್ಯ ವನ್ನು ಸರಕಾರ ಮಾಡುತ್ತಿದೆ ಎಂದು ದೂರಿದರು.

    ಬಳಿಕ ಎಸಿಪಿ ಸಂತೋಷ ಸತ್ಯನಾಯಿಕ ಅವರು ಶ್ರೀರಾಮಸೇನೆ ಕಾರ್ಯಕರ್ತರಿಗೆ ಈ ಕಾರ್ಯ ಕೈಬಿಡುವಂತೆ ಮನವೊಲಿಸುವ ಕಾರ್ಯ ಮಾಡಿದರು. ಆದರೆ ಶ್ರೀರಾಮಸೇನೆ ಕಾರ್ಯಕರ್ತರು ನಕಾರ ವ್ಯಕ್ತಪಡಿಸಿದರು. ಬಳಿಕ ಎಲ್ಲ ಕಾರ್ಯಕರ್ತರನ್ನು‌ ಪೊಲೀಸರು ವಶಕ್ಕೆ ಪಡೆದರು.