ಆರೋಗ್ಯವಾಗಿದ್ದೇನೆ, ಆತಂಕ ಅನಗತ್ಯ – ಡೋನಾಲ್ಡ್ ಟ್ರಂಪ್

ವಾಷಿಂಗ್ಟನ್, ಅಕ್ಟೋಬರ್ 03 :  ನಾನು ಆರೋಗ್ಯವಾಗಿದ್ದೇನೆ  ಈ ಕುರಿತು  ಯಾರೊಬ್ಬರು ಆತಂಕ ಪಡಬೇಕಿಲ್ಲ  ಎಂದು ಅಮೆರಿಕಾ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಹೇಳಿದ್ದಾರೆ.

ವಾಲ್ಟರ್ ರೀಡ್ ಸೇನಾ  ಆಸ್ಪತ್ರೆಯಲ್ಲಿ ನುರಿತ ವೈದ್ಯರ ತಂಡ   ಚಿಕಿತ್ಸೆನೀಡುತ್ತಿದೆ  ಎಂದು ಸಾಮಾಜಿಕ ಜಾಲತಾಣದ ಮೂಲಕ  ಹೇಳಿಕೊಂಡಿದ್ದಾರೆ. 

ಅಮೆರಿಕಾ ಅಧ್ಯಕ್ಷೀಯ ಚುನಾವಣೆ ಇದೇ  ನವೆಂಬರ್ 3 ರಂದು ನಿಗದಿಯಾಗಿದ್ದು, ಕೆಲ ವಾರಗಳು ಬಾಕಿ ಇರುವಾಗ ಟ್ರಂಪ್  ಅವರು  ಕೊರೊನಾ  ಸೋಂಕಿಗೆ ಒಳಗಾಗಿರುವುದು  ಆತಂಕದ ವಾತವರಣ ನಿರ್ಮಾಣವಾಗಿದೆ. 

ಈ ನಡುವೆ ಅಧ್ಯಕ್ಷ ಟ್ರಂಪ್ ಬೇಗ ಗುಣಮುಖರಾಗಲಿ ಎಂದು ಪ್ರಧಾನಿ ನರೇಂದ್ರ ಮೋದಿ ಸೇರಿದಂತೆ ವಿಶ್ವ ನಾಯಕರು ಶುಭ  ಹಾರೈಸಿದ್ದಾರೆ.