ಲೋಕದರ್ಶನ ವರದಿ 

ಸಿಂದಗಿ 05 : ಪ್ರಕೃತಿಯ ಸಮತೋಲನ ಕಾಪಾಡುವುದು ಪ್ರತಿಯೊಬ್ಬರ ಜವಾಬ್ದಾರಿಯಾಗಿದ್ದು, ವಿದ್ಯಾರ್ಥಿಗಳು ಪರಿಸರದ ಬಗ್ಗೆ ಕಾಳಜಿ ವಹಿಸಿ ಮರಗಳನ್ನು ನೆಟ್ಟು ಬೆಳೆಸುವ ಮೂಲಕ ಅರಣ್ಯಿಕರಣ ನಿರ್ಮಾಣಕ್ಕೆ ಕೈಜೋಡಿಸಬೇಕು ಎಂದು ಪ್ರಾಚಾರ್ಯ ಬಿ.ಎಂ.ಸಿಂಗನಳ್ಳಿ ಕರೆ ನೀಡಿದರು. 

ನಗರದ ಪವಿವ ಸಂಸ್ಥೆಯ ಆರ್‌.ಡಿ.ಪಾಟೀಲ ಪದವಿ ಪೂರ್ವ ಕಲಾ,ವಿಜ್ಞಾನ,ವಾಣಿಜ್ಯ ಕಾಲೇಜಿನಲ್ಲಿ ಎನ್‌.ಎಸ್‌.ಎಸ್ ಘಟಕ ಹಾಗೂ ಸ್ಕೌಟ್ಸ್‌ಗೈಡ್ಸ್‌ ಘಟಕದ ವತಿಯಿಂದ ಹಮ್ಮಿಕೊಂಡ ವಿಶ್ವ ಪರಿಸರ ದಿನಾಚರಣೆಯ ನಿಮಿತ್ಯ ಗಿಡನೆಟ್ಟು ಸಸಿಗೆ ನೀರೂಣಿಸಿ ಮಾತನಾಡಿ, ಮರಗಳು, ಜಲಸಂಪನ್ಮೂಲಗಳು ಹಾಗೂ ಜೀವ ವೈವಿಧ್ಯತೆಯನ್ನು ಕಾಪಾಡುವುದು ಇಂದಿನ ಅಗತ್ಯವಾಗಿದೆ. ಪರಿಸರ ಮಾಲಿನ್ಯ, ಅರಣ್ಯ ನಾಶ ಮತ್ತು ಹವಾಮಾನ ಬದಲಾವಣೆಯಿಂದ ಉಂಟಾಗುತ್ತಿರುವ ಸಮಸ್ಯೆಗಳನ್ನು ನಿವಾರಿಸಲು ಪ್ರತಿಯೊಬ್ಬರೂ ಪರಿಸರ ಸ್ನೇಹಿ ಜೀವನಶೈಲಿಯನ್ನು ಅಳವಡಿಸಿಕೊಳ್ಳಬೇಕು ಎಂದರು.  

        ಎನ್‌.ಎಸ್‌.ಎಸ್‌.ಘಟಕದ ಸಂಯೋಜನಾಧಿಕಾರಿ ಪ್ರಸನ್ ಜೋಗೂರ ಮಾತನಾಡಿ, ವಿದ್ಯಾರ್ಥಿಗಳಿಗೆ ವಿಶ್ವ ಪರಿಸರ ದಿನಾಚರಣೆಯ ಶುಭಾಶಯಗಳನ್ನು ತಿಳಿಸಿ, ಪರಿಸರ ಸಂರಕ್ಷಣೆಯ ಮಹತ್ವವನ್ನು ವಿವರಿಸಿದರು. 

ಇದೇ ಸಂದರ್ಭದಲ್ಲಿ ಪ್ಯಾರಾಮೆಡಿಕಲ್ ಕಾಲೇಜಿನ ಪ್ರಾಚಾರ್ಯ ವ್ಹಿ.ವ್ಹಿ. ಜಿರ್ಲಿ, ಉಪಪ್ರಾಚಾರ್ಯ ಪಿ.ವ್ಹಿ.ಮಹಲಿನಮಠ, ಎನ್‌.ಬಿ.ಪೂಜಾರಿ, ಎಸ್‌.ಎಚ್‌.ಜಾಧವ, ಬಿ.ಬಿ.ಜಮಾದಾರ, ಶರಣು ಜೋಗೂರು, ಶಿವಶರಣ ಬೂದಿಹಾಳ, ವ್ಹಿ.ಕೆ. ಹಿರೇಮಠ, ಡಾ. ವ್ಹಿ.ಪಿ.ನಂದಿಕೋಲ, ಸರಸ್ವತಿ ಪಟ್ಟೇದ, ಚಿನ್ಮಯಿ ಬಳಿಗಾರ್, ವಿಜಯಲಕ್ಷ್ಮೀ ಕನ್ನೊಳ್ಳಿ, ಎಂ.ಐ.ಮುಜಾವರ್, ಗವಿಸಿದ್ದಪ್ಪ ಆನೆಗುಂದಿ, ಎನ್‌.ಎಂ.ಶೆಳ್ಳಗಿ ಸುನೀಲ ಪಾಟೀಲ, ರಾಹುಲ ನಾರಾಯಣಕರ್, ಸುಭಾಸ ಹೊಸಮನಿ, ಸಂಗಮೇಶ ಮಾರ್ಸನಳ್ಳಿ, ಉದಯ ಶಿವಸಿಂಪಿಗೇರ್, ಚಂದು ಬಬಲೇಶ್ವರ, ಸ್ಕೌಟ್ಸ್‌ಗೈಡ್ಸ್‌ ಘಟಕದ ಅಧಿಕಾರಿ ಶಿವಯೋಗಿ ತಾಳಿಕೋಟಿ ಸೇರಿದಂತೆ ವಿದ್ಯಾರ್ಥಿಗಳು ಇನ್ನಿತರರು ಇದ್ದರು.