ಲೋಕದರ್ಶನ ವರದಿ 

ಧಾರವಾಡ 04 : ಪ್ರತಿ ವರ್ಷದ ಜೂನ್ 5 ರಂದು, ನಾವು ವಿಶ್ವ ಪರಿಸರ ದಿನವನ್ನು ಆಚರಿಸುತ್ತೇವೆ. ನಿಜವಾಗಿಯೂ ಪರಿಸರದ ಕುರಿತು ನಮ್ಮ ಬದಲಾವಣೆಗಳು ದಿನ ಮತ್ತು ಸಮಯದಿಂದ ಮಿತವಾಗಬಾರದು. ನಾವು ನಮ್ಮ ಪೂರ್ವಜರಿಂದಲು ಇದ್ದ ಪ್ರಕೃತಿ, ಪ್ರಪಂಚದ ಅದೆಷ್ಟೋ ಅಚ್ಚುಕಟ್ಟುಗಳಲ್ಲಿ ನಮಗೆ ಜೀವವನ್ನು ನೀಡುತ್ತದೆ. ನದಿ, ಹೊಳೆ, ಕಾಡು, ಗಾಳಿಯ ಶುದ್ಧತೆ, ಸಸ್ಯ ಮತ್ತು ಪ್ರಾಣಿಗಳ ಜೀವನ ಇದು ನಮ್ಮ ಜೀವನದ ಮೂಲಭೂತ ಅಂಶಗಳು. ಆದರೆ ನಾವು ಇಂದು ಪ್ರಕೃತಿಗೆ ಏನು ನೀಡುತ್ತಿದ್ದೇವೆ? ನಾವು ನಿಜವಾಗಿ ಸ್ವಲ್ಪವೂ ಯೋಚಿಸಿದ್ದೇವೇ? 

ಮಾನವನ ಸ್ವಭಾವವೇ ಹೀಗಿದೆ ಸ್ವಾರ್ಥಕ್ಕೆ ತಕ್ಕಂತೆ, ಸುಲಭವಾದ ಮಾರ್ಗಕ್ಕೆ ಹೋಗುವುದು. ನಾವು ಪರಿಸರದ ಹಾನಿಯ ಬಗ್ಗೆ ತಿಳಿದಿದ್ದರೂ ಸಹ, ನಾವು ಅಲ್ಲಿ ಹಿಂದೆ ಹಿಂಜರಿಯುವುದಿಲ್ಲ. ನಾವು ದಿನವೂ ಮಾಡುತ್ತಿರುವ ಉದ್ಯಮ, ಕೈಗೊಳ್ಳುತ್ತಿರುವ ನಿರ್ಧಾರಗಳು, ವಸ್ತುಗಳ ಬಳಕೆ, ಕೈಗೆಟಕದ ತ್ಯಾಜ್ಯ ಎಲ್ಲವು ನೇರವಾಗಿ ಅಥವಾ ಪರೋಕ್ಷವಾಗಿ ಪ್ರಕೃತಿಯ ಹಾನಿಗೆ ಕಾರಣವಾಗುತ್ತದೆ.  

ಕಾಗದ, ಪ್ಲಾಸ್ಟಿಕ್, ವಿದ್ಯುತ್, ನೀರು ಈ ಮೂಲ ಸಂಪತ್ತಿನ ಉಳಿತಾಯದ ಬಗ್ಗೆ ನಾವು ಎಷ್ಟು ಆತ್ಮಪರೀಶೀಲನೆ ಮಾಡುತ್ತೇವೆ?ವಿಶ್ವ ಪರಿಸರ ದಿನವನ್ನು ನಾವು ಆಚರಿಸುವ ವಿಧಾನವನ್ನು ನೋಡಿದರೆ, ಅದರಲ್ಲಿ ಒಂದು ವಿಪರ್ಯಾಸ ಸ್ಪಷ್ಟವಾಗಿ ಕಾಣಿಸುತ್ತದೆ. ನಾವು ಕೆಲವರು ಒಂದು ದಿನಕ್ಕೆ ಮಾತ್ರ ಪರಿಸರದ ಕುರಿತು ಗಮನ ಹರಿಸುತ್ತೇವೆ. ಬೆಳೆಗೆ ಒಂದು ಮರ ನೆಟ್ಟಿದ್ದರೆ, ಫೋಟೋ ತೆಗೆದುಕೊಂಡು ಸಾಮಾಜಿಕ ಜಾಲತಾಣದಲ್ಲಿ ಪೋಸ್ಟ್‌ ಮಾಡಿ, ಆ ದಿನದ ಭಾವನೆ ಮುಗಿದಂತೆ ಕಾಣಿಸುತ್ತದೆ. ಆದರೆ ಆ ಮರಕ್ಕೆ ನೀರು ಹಾಕುವ, ಆರೈಕೆ ಮಾಡುವ ಹೊಣೆಗಾರಿಕೆ ಯಾರಿಗೂ ಇಲ್ಲ. ನಮ್ಮ ಪರಿಸರದ ಭದ್ರತೆಗೆ ನಿಜವಾದ ಬದ್ಧತೆ ದಿನನಿತ್ಯದ ಚಟುವಟಿಕೆಗಳಲ್ಲಿ ಕಾಣಿಸಬೇಕು. 

ಪರಿಸರವನ್ನು ಹಾನಿಯುಂಟು ಮಾಡದೇ ಇರಬೇಕೆಂಬುದು ಸಾಕಾಗುವುದಿಲ್ಲ. ನಿಜವಾದ ದೃಷ್ಟಿಕೋನವು ನಾನು ಪ್ರಕೃತಿಗೆ ಏನು ನೀಡುತ್ತಿದ್ದೇನೆ? ಎಂಬ ಪ್ರಶ್ನೆಯೊಂದಿಗೆ ಪ್ರತಿದಿನವೂ ಪ್ರಾರಂಭವಾಗಬೇಕು. ಪ್ರಕೃತಿಗೆ ನೀಡಬಹುದಾದ ಹಲವಾರು ರೂಪಗಳು ಇವೆ. ನಾವು ಕೇವಲ ಮರ ನೆಡುವುದಲ್ಲ, ನಮ್ಮ ಜೀವನ ಶೈಲಿಯಲ್ಲಿ ತ್ಯಾಜ್ಯವನ್ನು ಕಡಿಮೆ ಮಾಡುವುದು, ನದಿಗಳನ್ನು ಸ್ವಚ್ಛವಾಗಿಡುವುದು, ಪ್ಲಾಸ್ಟಿಕ್ ಬಳಕೆಯನ್ನು ನಿಬಂರ್ಧಿಸುವುದು, ಜಾಗೃತಿ ಮೂಡಿಸುವುದು.  

ಮನುಷ್ಯನಿಗೆ ಸ್ವಾರ್ಥ ಬಲವಾದುದು. ಆದರೆ ಸ್ವಲ್ಪ ಶ್ರಮ, ಸ್ವಲ್ಪ ಬದ್ಧತೆ, ಸ್ವಲ್ಪ ಪ್ರೀತಿ ಇವು ಪ್ರಕೃತಿಯ ಮೇಲೆ ನಿಜವಾದ ಬದಲಾವಣೆ ತರುವಂತೆ ಮಾಡಬಹುದು. ನಾವು ಪ್ರತಿಯೊಂದು ಉದ್ಯಮವನ್ನು ಪರಿಸರದ ಪ್ರಭಾವದ ದೃಷ್ಟಿಯಿಂದ ಪರಿಗಣಿಸಬೇಕು. ಉದಾಹರಣೆಗೆ, ಪ್ಲಾಸ್ಟಿಕ್ ಬ್ಯಾಗ್ ಬಳಸುವ ಬದಲು ಹತ್ತಿಯ ಬ್ಯಾಗ್ ಬಳಸುವುದು, ವಾಹನ ಬದಲು ಸೈಕಲ್ ಆಯ್ಕೆ ಮಾಡುವುದು ಅನಿವಾರ್ಯ ಎದ್ದಾಗ ಮಾತ್ರ ವಾಹನಗಳನ್ನು ತೆಗೆದು ಕೊಂಡು ಹೋಗುವುದು ಉತ್ತಮ.  

ಪ್ರಕೃತಿ ನಮಗೆ ಯಾವುದೇ ಧನದ ವಿನಿಮಯದಲ್ಲಿ ಮಾತ್ರ ಜೀವ ನೀಡುವುದಿಲ್ಲ. ಅದು ನಮ್ಮ ಬದುಕಿನ ಅನಿವಾರ್ಯ ಭಾಗ. ಆದರೆ ನಾವು ಪ್ರಕೃತಿಗೆ ಏನು ಕೊಡುತ್ತಿದ್ದೇವೆ? ನಾವು ಯಾವುದು ಉಳಿಸುತ್ತಿದ್ದೇವೆ? ನಮ್ಮ ನಾಡಿನ ಪರಿಸರವನ್ನು, ನದಿಗಳನ್ನು, ಹಸಿರು ಪ್ರದೇಶಗಳನ್ನು ಉಳಿಸಲು ನಾವು ಪ್ರತಿದಿನವೂ ಶ್ರಮಿಸುತ್ತಿದ್ದೇವೇ? ಈ ಪ್ರಶ್ನೆ ನಮ್ಮ ಮನಸ್ಸಿಗೆ ಪ್ರತಿದಿನವೂ ಬರಬೇಕು. 

ನಾವು ಸಾಂಸ್ಕೃತಿಕ, ತಂತ್ರಜ್ಞಾನಿಕ ಉನ್ನತಿಗೆ ತಲುಪಿದರೂ ಸಹ, ಪ್ರಕೃತಿಯೊಂದಿಗೆ ನಮ್ಮ ಸಂಬಂಧವನ್ನು ಮರೆಯಬಾರದು. ನಾವು ಪ್ರಕೃತಿಗೆ ಎಷ್ಟು ಪೂರಕವಾಗಿದ್ದೇವೆ ಎಂಬುದೇ ನಿಜವಾದ ಅಭಿವೃದ್ಧಿಯ ಸೂಚಕ. ಬೆಳೆಗೆ ಒಂದು ದಿನ ಮಾತ್ರ ಮರ ನೆಡುವುದರಿಂದ ಪರಿಸರ ಉಳಿಯುವುದಿಲ್ಲ. ಅದು ಪ್ರತಿ ದಿನದ ಬದ್ಧತೆ, ಪ್ರೀತಿ ಮತ್ತು ಕೆಲಸದಿಂದ ಮಾತ್ರ ಸಾಧ್ಯ. 

ವಿಶ್ವ ಪರಿಸರ ದಿನವು ನಮಗೆ ಒಂದು ಸ್ಮರಣೆಯಂತೆ ಬರುವ ದಿನ. ಅದು ಕೇವಲ ಒಂದು ದಿನ ಅಲ್ಲ. ಅದು ಪ್ರತಿದಿನದ ಪ್ರೇರಣೆಯಾಗಿದೆ. ನಾವು ಪ್ರಕೃತಿಯನ್ನು ಗೌರವಿಸುವ ಜೀವನ ಶೈಲಿ ರೂಪಿಸಬೇಕು. ನಮ್ಮ ಪರಿಸರದೊಂದಿಗೆ ಸಮನ್ವಯದಿಂದ ಬದುಕುವುದು, ನಮ್ಮ ಮಕ್ಕಳಿಗೆ ಶುದ್ಧವಾದ ನದಿಗಳು, ಗಾಳಿ, ಹಸಿರು ತೋಟಗಳು, ಜೀವ ವೈವಿಧ್ಯವನ್ನು ಉಳಿತಾಯ ಮಾಡುವುದು ಇವು ನಮ್ಮ ಪ್ರತಿಜ್ಞೆಯ ಭಾಗವಾಗಬೇಕು. 

ನಮ್ಮ ನಾಡಿನ, ನಮ್ಮ ಪರಿಸರದ, ನಮ್ಮ ಪ್ರಪಂಚದ ಹಿತಕ್ಕಾಗಿ ನಾವು ಏನು ನೀಡುತ್ತಿದ್ದೇವೆ ಎಂಬ ಪ್ರಶ್ನೆ ಪ್ರತಿದಿನವೂ ನಮ್ಮ ಹೃದಯದಲ್ಲಿ ಜ್ವಾಲಾಮುಖಿಯಾಗಿರಬೇಕು. ಪ್ರಕೃತಿಯನ್ನು ನಷ್ಟ ಮಾಡದೇ, ಸ್ವಲ್ಪ ಶ್ರಮ ಮತ್ತು ಸೌಮ್ಯತೆಯಿಂದ, ನಾವು ಶುದ್ಧ ಪರಿಸರವನ್ನು ರೂಪಿಸಬಹುದು. ದಿನಾಚರಣೆ ಎಂದು ಬೆಳೆಗೆ ಒಂದು ಮರ ನೆಟ್ಟದ್ದರಿಂದ ಪ್ರೀತಿ ಮುಗಿಯುವುದಿಲ್ಲ, ಪ್ರತಿ ಹನಿ ನೀರು, ಪ್ರತಿಯೊಂದು ಶ್ರಮ, ಪ್ರತಿಯೊಂದು ಯತ್ನ ಇವು  ಪ್ರಕೃತಿಗೆ ನಿಜವಾದ ಸ್ತುತಿ. 

ಸಂಪೂರ್ಣವಾಗಿ ಹೇಳಬೇಕಾದರೆ, ವಿಶ್ವ ಪರಿಸರ ದಿನವು ಒಂದು ದಿನದ ಆಚರಣೆ ಮಾತ್ರವಲ್ಲ, ಪ್ರತಿದಿನವೂ ಪ್ರಕೃತಿಗೆ ನೀಡುವ ನಮ್ಮ ಬದ್ಧತೆ, ನಮ್ಮ ಪ್ರೀತಿ, ನಮ್ಮ ಪರಿಶ್ರಮ ಇವು ನಿಜವಾದ ಸಂಭ್ರಮ. ಪ್ರಕೃತಿ ನಮ್ಮನ್ನು ಜೀವಿಸುತ್ತಿದೆ, ನಮ್ಮ ಹೃದಯಗಳನ್ನು ಉದ್ದೀಪಿಸುತ್ತಿದೆ. ನಾವು ಅದರೊಂದಿಗೆ ಸಂವಹನದಲ್ಲಿದ್ದು, ಪ್ರತಿದಿನವೂ ಅದಕ್ಕೆ ನೀಡುವ ಪ್ರೀತಿ ಮತ್ತು ಕಾಳಜಿಯ ಮೂಲಕ, ನಿಜವಾದ ಬೆಳಕು, ನಿಜವಾದ ಹಸಿರು, ನಿಜವಾದ ಭವಿಷ್ಯ ನಿರ್ಮಿಸಬಹುದು.