ರಾಣೇಬೆನ್ನೂರು 15 : ರಾಜಧಾನಿ ಬೆಂಗಳೂರಲ್ಲಿ ಕೊಂಡಜ್ಜಿ ಬಸಪ್ಪ ಅಡಿಟೋರಿಯಂನಲ್ಲಿ ಇತ್ತೀಚೆಗೆ, ರಾಷ್ಟ್ರಮಟ್ಟದ ಪವರ್ ಲಿಫ್ಟಿಂಗ್ ಸ್ಪರ್ಧೆಯು ನಡೆಯಿತು. ಸ್ಪರ್ಧೆಯಲ್ಲಿ ಪಾಲ್ಗೊಂಡು ತಮ್ಮ ಸಾಧನೆ ಮೆರೆದ ಕಲಾವಿದರ ತವರೂರು ಆರೇಮಲ್ಲಾಪುರ ಗ್ರಾಮದ ಯುವ ಪ್ರತಿಭೆ, ಕಿರಣ್ ಹಾಲೇಶ್ ಗುಂಗೇರ ಅವರು, 74 ಬಾಡಿ ವೆಟ್ ಕ್ಯಾಟಗರಿಯಲ್ಲಿ ಪ್ರಥಮ ಸ್ಥಾನ ಪಡೆದು ಜಿಲ್ಲೆಗೆ ಮತ್ತು ರಾಜ್ಯಕ್ಕೆ ಕೀರ್ತಿ ತಂದಿದ್ದಾನೆ. 25ಕ್ಕೂ ಹೆಚ್ಚು ಕ್ರೀಡಾಪಟುಗಳು ಪಾಲ್ಗೊಂಡಿದ್ದ ಸ್ಪರ್ಧೆಯಲ್ಲಿ ತನ್ನ ಅಪ್ರತಿಮ ಸಾಧನೆ ಮೆರೆದ ಕಿರಣ್ ಗುಂಗೇರ ಅವರಿಗೆ ಅನೇಕ ಕ್ರಿಡಾ ಸಂಘಟನೆಗಳು, ಕುಸ್ತಿಪಟುಗಳು, ಸಂಘ ಸಂಸ್ಥೆಗಳ ಮುಖಂಡರು ಗಣ್ಯರು ಹಾರ್ದಿಕವಾಗಿ ಅಭಿನಂದಿಸಿದ್ದಾರೆ.