ಹಡಗಲಿಯಲ್ಲಿ ರಾಷ್ಟ್ರೀಯ ಪಲ್ಸ್‌ ಪೋಲಿಯೋ

ಹೂವಿನಹಡಗಲಿ  21:  ತಾಲೂಕಿನಲ್ಲಿ  ತಾಲೂಕ ಆಡಳಿತ ಹಾಗೂ ತಾಲೂಕು ಆರೋಗ್ಯ ಅಧಿಕಾರಿಗಳು ಇವರ ನೇತೃತ್ವದಲ್ಲಿ ಶ್ರೀ ತೇರು ಹನುಮಪ್ಪ ದೇವಸ್ಥಾನದ ಆವರಣದಲ್ಲಿ ಪಲ್ಸ್‌ ಪೋಲಿಯೋ ಅಭಿಯಾನಕ್ಕೆ  ತಾಲೂಕ ಆರೋಗ್ಯ ಅಧಿಕಾರಿ ಡಾ. ಅಶೋಕ್  ಚಾಲನೆ ನೀಡಿ ಮಾತನಾಡಿ ತಾಲೂಕಿನಾದ್ಯಂತ 198 ಬೂತ್ ಗಳಲ್ಲಿ 0-5 ವಯೋಮಾನದ 17,257 ಮಕ್ಕಳನ್ನು ಪೋಲಿಯೋ ಹಾಕಿಸುವ ಗುರಿ ಹೊಂದಿದ್ದು 434 ಸಿಬ್ಬಂದಿಗಳನ್ನು ನಿಯೋಜನೆ ಗೊಳಿಸಲಾಗಿದೆ ಜತೆಗೆ ವಲಸೆ ಬಂದಿರುವಂತಹ ಮತ್ತು ಕೂಲಿಗಾಗಿ ಬಂದಿರುವಂತಹ ಕುಟುಂಬಗಳನ್ನು ಪತ್ತೆ ಹಚ್ಚಿ ಕುಟುಂಬದಲ್ಲಿ ಇರುವಂತಹ ಮಕ್ಕಳಿಗೆ ಪೋಲಿಯೋ ಹಾನಿಯನ್ನು 03 ಮೊಬೈಲ್ ಟೀಮ್ ಗಳನ್ನು ನಿಯೋಜನೆಗೊಳಿಸಲಾಗಿದ್ದು ಪ್ರತಿಶತ ನೂರರಷ್ಟು ಸಾಧನೆ ಮಾಡುವ ಗುರಿ ಇದೆ ಎಂದರು.  

ಪೋಲಿಯೋ ಭಾನುವಾರದಂದು ಬೂತಗಳಿಗೆ ಬರದೇ ಇರುವಂತಹ ಮಕ್ಕಳಿಗೆ ಮತ್ತು ತೀರ್ವ ಅನಾರೋಗ್ಯದ ಮಕ್ಕಳಿಗೆ ಪೋಲಿಯೋ ಲಸಿಕೆಯನ್ನು ಡಿ. 22,23 ಹಾಗೂ 24 ರಂದು ಸಿಬ್ಬಂದಿಗಳು ಮನೆ ಮನೆಗೆ ಭೇಟಿ ನೀಡಿ ಲಸಿಕೆ ಹಾಕಲಾಗುತ್ತದೆಲಸಿಕೆ ಯಿಂದ ವಂಚಿತ ಆಗಬಾರದು ಎಂದು ತಿಳಿಸಿದರು .ಈ ಸಂದರ್ಭದಲ್ಲಿ ಜಿಲ್ಲಾ ನೋಡಲ್ ಅಧಿಕಾರಿ ಡಾ.ಕೆ ರಾಧಿಕಾ ಹಾಗೂ   ತಾಲೂಕು ಮಟ್ಟದ ಅಧಿಕಾರಿಗಳಾದ ಡಾ. ಕೊಟ್ರಮ್ಮ ಸಿ ಡಿ ಪಿ ಓ ರಾಮನಗೌಡ ಪುರಸಭೆ ಮುಖ್ಯಾಧಿಕಾರಿ ಇಮಾಮ್ ಸಾಹೇಬ್ , ಕ್ಷೇತ್ರ ಕಾರ್ಯಕ್ರಮ ವ್ಯವಸ್ಥಾಪಕ ಬೀರಬ್ಬಿ ಮಹೇಶ್, ತಾಲೂಕು ಲಸಿಕಾ ನಿರ್ವಹಣೆ ಅಧಿಕಾರಿ ವೈ ಶಿವಕುಮಾರ್, ಹಿರಿಯ ಆರೋಗ್ಯ ನೀರೀಕ್ಷಣಾಧಿಕಾರಿ ಜಿ ವಿ ಶಿವಕುಮಾರ ನೇತ್ರಾವತಿ ಪುರಸಭಾ ಆರೋಗ್ಯ ನೀರೀಕ್ಷಕ ಸೋಮಶೇಖರ್ ಹಾಗೂ ಆರೋಗ್ಯ ಇಲಾಖೆ ಮತ್ತು ಪುರಸಭೆ ಸಿಬ್ಬಂದಿ ವರ್ಗದವರು ಹಾಜರಿದ್ದು ರಾಷ್ಟ್ರೀಯ ಪಲ್ಸ್‌ ಪೋಲಿಯೋ ಕಾರ್ಯಕ್ರಮವನ್ನು ವಿದ್ಯುಕ್ತವಾಗಿ ಚಾಲನೆ ನೀಡಿದರು.