ಅಂಚೆ ಕಛೇರಿ ಸ್ಥಾಪನೆಗೆ ಸಚಿವ ಪ್ರಹ್ಲಾದ್ ಜೋಶಿ ಸಮ್ಮತಿ

ಧಾರವಾಡ 06: ಧಾರವಾಡ ಜಿಲ್ಲಾ ನ್ಯಾಯಾಲಯ ಆವರಣದಲ್ಲಿ ವಕೀಲರು ಮತ್ತು ಜನಸಾಮಾನ್ಯರ ಅನುಕೂಲಕ್ಕಾಗಿ ನೂತನ ಅಂಚೆ ಕಚೇರಿ ಸ್ಥಾಪನೆಗೆ ಕೇಂದ್ರ ಸಚಿವ ಪ್ರಹ್ಲಾದ್ ಜೋಶಿ ಸಮ್ಮತಿ ಸೂಚಿಸಿದ್ದಾರೆ. 

ಅವರು ಈಚೆಗೆ ಜಿಲ್ಲಾ ವಕೀಲರ ಸಂಘದ ಅಧ್ಯಕ್ಷ ಅಶೋಕ್‌. ವಿ.ಏಣಗಿ ನೇತೃತ್ವದಲ್ಲಿ ಸಚಿವರ ನಿವಾಸದಲ್ಲಿ ಭೆಟ್ಟಿ ಆಗಿದ್ದ ಸಂಘದ ಪಧಾಧಿಕಾರಿಗಳ ನಿಯೋಗಕ್ಕೆ ಭರವಸೆ ನೀಡಿದರು.ಈ ಸಂಧರ್ಭದಲ್ಲಿ ರಾಜ್ಯ ಬಾರ್ ಕೌನ್ಸಿಲ್ ಸದಸ್ಯ ವಿ. ಡಿ. ಕಾಮರೆಡ್ಡಿ, ಹಿರಿಯ ವಕೀಲ ಶ್ರೀಕಾಂತ್ ಪಾಟೀಲ್, ಶರಣ ಬಸವ ಅಂಗಡಿ ಸೇರಿದಂತೆ ಹಲವರು ಹಾಜರಿದ್ದರು.