ಚೆನ್ನೈ,  ಮೇ  ೯, ಕೊರೊನಾ  ವೈರಸ್  ಪ್ರಬಲಗೊಳ್ಳುತ್ತಿರುವ  ಹಿನ್ನಲೆಯಲ್ಲಿ  ಯುನೈಟೆಡ್ ಅರಬ್ ಎಮಿರೇಟ್ಸ್ ಹಾಗೂ ದುಬೈನಿಂದ   ಎರಡು   ಏರ್ ಇಂಡಿಯಾ  ವಿಶೇಷ ವಿಮಾನಗಳಲ್ಲಿ   ೩೫೦ ಕ್ಕೂ ಹೆಚ್ಚು ಪ್ರಯಾಣಿಕರು ಶನಿವಾರ ಬೆಳಿಗ್ಗೆ  ಚೆನ್ನೈ  ವಿಮಾನ ನಿಲ್ದಾಣಕ್ಕೆ ಆಗಮಿಸಿದರು.ದುಬೈನಿಂದ ಮೂವರು  ಮಕ್ಕಳು ಸೇರುದಂತೆ  ೧೮೨ ಪ್ರಯಾಣಿಕರು  ಚೆನ್ನೈ ವಿಮಾನ ನಿಲ್ದಾಣಕ್ಕೆ   ಆಗಮಿಸಿದ  ಪ್ರಯಾಣಿಕರಿಗೆ ವೈದ್ಯಕೀಯ ಪರೀಕ್ಷೆ ನಡೆಸಲಾಗುತ್ತಿದೆ.  ವಂದೇ ಭಾರತ್  ಮಿಷನ್   ಭಾಗವಾಗಿ  ವಿದೇಶಗಳಲ್ಲಿರುವ ಭಾರತೀಯರನ್ನು ಸ್ವದೇಶಕ್ಕೆ ಸ್ಥಳಾಂತರಗೊಳಿಸಲಾಗುತ್ತಿದೆ. ನಿಯಮಗಳಂತೆ  ವಿದೇಶಗಳಿಂದ ಬಂದವರಿಗೆ  ಪರೀಕ್ಷೆ  ನಡೆಸಿ  ಕ್ವಾರಂಟೈನ್ ಕಳುಹಿಸಲಾಗುವುದು ಎಂದು ವೈದ್ಯರು ತಿಳಿಸಿದ್ದಾರೆ ಬಹ್ರೇನ್ ದೇಶದ ಮಾನಾಮದಿಂದ ಏರ್ ಇಂಡಿಯಾ ವಿಮಾನದಲ್ಲಿ ೧೮೨  ಪ್ರಯಾಣಿಕರು  ಕೊಚ್ಚಿ ಅಂತರಾಷ್ಟ್ರೀಯ  ವಿಮಾನ ನಿಲ್ದಾಣಕ್ಕೆ ಆಗಮಿಸಿದ್ದಾರೆ.ಸಿಂಗಪೂರ್ ನಿಂದ ೨೩೪ ಮಂದಿ ಪ್ರಯಾಣಿಕರು ದೆಹಲಿ ವಿಮಾನ ನಿಲ್ದಾಣ ತಲುಪಿದ್ದಾರೆ.ಢಾಕದಿಂದ  ಬಂದ  ಮತ್ತೊಂದು ವಿಮಾನ  ಶ್ರೀನಗರದಲ್ಲಿ  ಬಂದಿಳಿದಿದೆ. ರಿಯಾದ್ ನಿಂದ  ಆಗಮಿಸಿದ  ಮತ್ತೊಂದು ವಿಮಾನ ಕೇರಳದ ಕೋಜಿಕೋಡ್ ತಲುಪಿದೆ. ಅಲ್ಲದೆ  ನೌಕಾಪಡೆಯ   ಮೂರು ಯುದ್ದ  ನೌಕೆಗಳಲ್ಲಿ   ಅನಿವಾಸಿ ಭಾರತೀಯರು ಸ್ವದೇಶಕ್ಕೆ ಸೇರಲಿದ್ದಾರೆ ಇವರೆಲ್ಲರನ್ನು ಕ್ವಾರಂಟೈನ್ ಒಳಪಡಿಸಲಾಗುವುದು   ಎಂದು ವೈದ್ಯರು ತಿಳಿಸಿದ್ದಾರೆ.