ಲೋಕದರ್ಶನ ವರದಿ 

ಬೆಳಗಾವಿ 08: ತಾಲೂಕಿನ ಬಸವನ ಕುಡಚಿಯಲ್ಲಿರುವ ಚಿನ್ನಮ್ಮ ಬಸವಂತಯ್ಯ ಹಿರೇಮಠ್ ವೃದ್ಧಾಶ್ರಮದ ನಾಗನೂರು ಶ್ರೀ ಬಸವೇಶ್ವರ ಟ್ರಸ್ಟ್‌ ಸಹಯೋಗದೊಂದಿಗೆ ಕ್ರಾಂತಿ ಮಹಿಳಾ ಮಂಡಳ ಮತ್ತು ಉಮಾ ಸಂಗೀತ ಪ್ರತಿಷ್ಠಾನದಿಂದ ವಿಶ್ವ ಪರಿಸರ ದಿನಾಚರಣೆಯನ್ನು ಆಚರಿಸಲಾಯಿತು. 

ಈ ವೇಳೆ ವೃದ್ಧಾಶ್ರಮದ ಮೇಲ್ವಿಚಾರಕರಾದ ಎಂ.ಎಸ್ ಚೌಗಲಾ ಅವರು ಸಸಿಗೆ ನೀರು ಹಾಕುವುದರ ಮೂಲಕ ಕಾರ್ಯಕ್ರಮವನ್ನು ಉದ್ಘಾಟಿಸಿ ಅವರು ಮಾತನಾಡಿ, ಎರಡು ಸಂಸ್ಥೆಗಳ ಸಾಮಾಜಿಕ ಕಾರ್ಯಗಳಿಗೆ ಮೆಚ್ಚುಗೆ ವ್ಯಕ್ತಪಡಿಸಿದ ಅವರು, ತಾವೆಲ್ಲರೂ ವೃದ್ಧಾಶ್ರಮಕ್ಕೆ ಭೇಟಿ ನೀಡಿರುವುದು ಹಿರಿಯರಿಗೂ ಅತೀವ ಸಂತೋಷವಾಗಿದೆ. ವೃದ್ಧಾಶ್ರಮಕ್ಕೆ ಆಗಮಿಸಿರುವುದು ಆಶಾದಾಯಕವಾಗಿದೆ. ನಾಡಿನ ಸಂಘ-ಸಂಸ್ಥೆಗಳು ಸಾಮಾಜಿಕ ಕಾರ್ಯಗಳಲ್ಲಿ ತೊಡಗಿದಾಗ ಮಾತ್ರ ಆಶ್ರಮಗಳಿಗೂ ಆಶ್ರಯವಾಗಲಿದೆ ಎಂದರು.  

ವೃದ್ಧಾಶ್ರಮಕ್ಕೆ ಭೇಟಿ ನೀಡಿ ಹಿರಿಯರ ಆರೋಗ್ಯವನ್ನು ವಿಚಾರಿಸಿ, ಹಾಸಿಗೆ ಮತ್ತು ದಿನಸಿ ಸಾಮಗ್ರಿಗಳನ್ನು , ಹೊಸ ಸೀರೆಗಳನ್ನು ವಿತರಿಸಲಾಯಿತು. ಕೈಲಾದಷ್ಟು ಸಹಕಾರ ನೀಡುವುದು ಅತ್ಯಂತ ಶ್ರೇಷ್ಠ ಹಾಗೂ ಪುಣ್ಯದ ಕೆಲಸವಾಗಿದೆ ಎಂದು ಎರಡು ಸಂಸ್ಥೆಗಳಿಗೆ ಹಿರಿಯರು ಹಾರೈಸಿದರು.  

ಆಕಾಶವಾಣಿ ದೂರದರ್ಶನ ಕಲಾವಿದರು ಮತ್ತು ನಮ್ಮೂರ ಬಾನುಲಿ ಕೇಂದ್ರದ ಸಂದರ್ಶಕರು ಹಾಗೂ ಸಂಯೋಜಕರು ಮಹಿಳಾ ಕಲ್ಯಾಣ ಸಂಸ್ಥೆ ಬೆಳಗಾವಿಯ ಡಾ. ಶ್ರೀ ರಂಗ ಜೋಷಿ ಸರ್ ಅವರು ಪ್ರಕೃತಿ ಮಾತೆಯ ಮೇಲೆ ಒಂದು ಸುಂದರ ಗೀತೆಯನ್ನು ಹಾಡಿದರು. 

ಈ ವೇಳೆ ಎಂ.ಎಸ್‌. ಚೌಗಲಾ ಮತ್ತು ಶ್ರೀರಂಗ ಜೋಶಿ ಸರ್ ಅವರನ್ನು ಸನ್ಮಾನಿಸಲಾಯಿತು. 

ಈ ಸಂದರ್ಭದಲ್ಲಿ ಅಧ್ಯಕ್ಷಮಂಗಲಾ ಮಠದವರು ಎಲ್ಲರನ್ನೂ ಸ್ವಾಗತಿಸಿದರು. ಕಾರ್ಯದರ್ಶಿ ಭಾರತಿ ರತ್ನಪ್ಗೊಳ್ ಪ್ರಾಸ್ತಾವಿಕವಾಗಿ ಮಾತನಾಡಿದರು. ಮಮತಾ ಆಂಟಿನ, ಶೋಭಾ ಕಾಡನ್ನವರ್, ಮೈನಾ ಕುಲಕರ್ಣಿ ರತ್ನಗುಡಗನಟ್ಟಿ ಇವರು ಪ್ರಾರ್ಥಿಸಿದರು. ಸುಶೀಲ ಗುರವ, ನಮಿತಾ ಸೊಂಟಕ್ಕಿ , ಲೀಲಾ ಶೇರಿ, ಮಂದಾಕಿನಿ ನಿರ್ಲೇಕರ್ , ಸುಶೀಲಾ ಗುರವ್ ನಿರೂಪಿಸಿದರು. ನಮಿತಾ ಸೊಂಟಕ್ಕಿ ವಂದಿಸಿದರು.