ಲಕ್ಷ್ಮೇಶ್ವರ, ಜು.31: ತಾಲ್ಲೂಕಿನ ಬಟ್ಟೂರು ಗ್ರಾಮ ಪಂಚಾಯಿತಿಯ ಅಧ್ಯಕ್ಷರು, ಉಪಾಧ್ಯಕ್ಷರು ಹಾಗೂ ಸದಸ್ಯರ ಅಧಿಕಾರಾವಧಿ ಪೂರ್ಣಗೊಂಡ ಹಿನ್ನೆಲೆಯಲ್ಲಿ ಪಂಚಾಯಿತಿ ಆಡಳಿತ ಸಿಬ್ಬಂದಿಯಿಂದ ಗೌರವ ಸಮರೆ​‍್ಣ ಹಾಗೂ ಸನ್ಮಾನ ಕಾರ್ಯಕ್ರಮ ಆಯೋಜಿಸಲಾಯಿತು.  

ಕಾರ್ಯಕ್ರಮದಲ್ಲಿ ಗ್ರಾಮ ಪಂಚಾಯಿತಿ ಅಧ್ಯಕ್ಷೆ ನೀಲವ್ವ ಮಂಜಪ್ಪ ಕಳಸದ, ಉಪಾಧ್ಯಕ್ಷೆ ಮಲ್ಲವ್ವ ಬಸಪ್ಪ ತಳವಾರ ಸೇರಿದಂತೆ ಸದಸ್ಯರಾದ ಮಂಜುನಾಥ ಗೌರಿ, ಬಸವರಾಜ ಲಮಾಣಿ, ಸುರೇಶ್ ಲಮಾಣಿ, ರುದ್ರಯ್ಯ ಶೀಲವಂತಮಠ, ಜಗದೀಶಗೌಡ ಪಾಟೀಲ, ಮಾಲತೇಶ ಹೊಳಲಾಪುರ, ಗೌರವ್ವ ಯಲ್ಲಪ್ಪ ಸಾವಿರಕುರಿ, ಇಂದ್ರವ್ವ ಚಂದ್ರ​‍್ಪ ಹರಿಜನ, ಗಂಗವ್ವ ಗೋಣೆಪ್ಪ ಹರಿಜನ, ಲಲಿತವ್ವ ಪಕೀರ​‍್ಪ ಲಮಾಣಿ ಹಾಗೂ ಹನುಮಂತಪ್ಪ ಹರಿಜನ ಅವರನ್ನು ಶಾಲು ಹೊದಿಸಿ, ಸ್ಮರಣಿಕೆ ನೀಡಿ ಗೌರವಿಸಲಾಯಿತು.  

ಸನ್ಮಾನ ಸ್ವೀಕರಿಸಿ ಮಾತನಾಡಿದ ಸದಸ್ಯ ರುದ್ರಯ್ಯ ಶೀಲವಂತಮಠ, "ಜನರು ನೀಡಿದ ಅಧಿಕಾರ ಶಾಶ್ವತವಲ್ಲ. ನಮ್ಮ ಅಧಿಕಾರಾವಧಿಯಲ್ಲಿ ಗ್ರಾಮದ ಅಭಿವೃದ್ಧಿಗೆ ಪ್ರಾಮಾಣಿಕವಾಗಿ ಕೆಲಸ ಮಾಡಿದ್ದೇವೆ. ಪಂಚಾಯಿತಿ ಸಿಬ್ಬಂದಿ ತೋರಿದ ಆತ್ಮೀಯತೆ ಹಾಗೂ ಗೌರವ ನಮ್ಮ ಸೇವೆಗೆ ದೊರೆತ ದೊಡ್ಡ ಪ್ರಶಂಸೆಯಾಗಿದೆ" ಎಂದು ಹೇಳಿದರು.  

ಕಾರ್ಯಕ್ರಮದಲ್ಲಿ ಅಭಿವೃದ್ಧಿ ಅಧಿಕಾರಿ, ಪಂಚಾಯಿತಿ ಆಡಳಿತ ಸಿಬ್ಬಂದಿ ಹಾಗೂ ವಿವಿಧ ಅಧಿಕಾರಿಗಳು ಉಪಸ್ಥಿತರಿದ್ದು, ಅಧಿಕಾರಾವಧಿ ಪೂರ್ಣಗೊಳಿಸಿದ ಜನಪ್ರತಿನಿಧಿಗಳ ಸೇವೆಯನ್ನು ಸ್ಮರಿಸಿ ಅಭಿನಂದಿಸಿದರು.