ಲೋಕದರ್ಶನ ವರದಿ 

ಲಕ್ಷ್ಮೇಶ್ವರ   20: ಪಟ್ಟಣದ ಹಡಪದ ಸಮಾಜದ ಸಮುದಾಯ ಭವನದಲ್ಲಿ ಶಿವ ಶರಣೆ ವಚನಗಾರ್ತಿ ಹಡಪದ ಅಪ್ಪಣ್ಣನವರ ಧರ್ಮಪತ್ನಿ ಲಿಂಗಮ್ಮನವರ ಜಯಂತಿಯನ್ನು ಅವರ ಭಾವಚಿತ್ರಕ್ಕೆ ಪೂಜಿ ಸಲ್ಲಿಸುವುದರೊಂದಿಗೆ ಸಮಾಜದ ಮಹಿಳೆಯರು ಆಚರಿಸಿದರು   ಶಿವಶರಣೆ ಲಿಂಗಮ್ಮನವರ ಜಯಂತಿ ಆಚರಿಸಿ ಮಾತನಾಡಿದ ಸಮಾಜದ ಮಹಿಳೆ ಲಕ್ಷ್ಮವ್ವ ಹಡಪದ ಅವರು ಹಡಪದ ಅಪ್ಪಣ್ಣ ಮತ್ತು ಅವರ ಧರ್ಮಪತ್ನಿ ಲಿಂಗಮ್ಮನವರು 12ನೇ ಶತಮಾನದ ವಚನ ಚಳುವಳಿ ಮತ್ತು ಕಲ್ಯಾಣ ಕ್ರಾಂತಿಯ ಪ್ರಮುಖ ಶರಣ-ಶರಣೆಯರಾಗಿದ್ದರು. ಇವರ ಜಯಂತಿಯನ್ನು ಕರ್ನಾಟಕ ಸರ್ಕಾರವು ಪ್ರತಿ ವರ್ಷವೂ ಅಧಿಕೃತವಾಗಿ ಜಿಲ್ಲಾಡಳಿತ ಹಾಗೂ ಕನ್ನಡ ಮತ್ತು ಸಂಸ್ಕೃತಿ ಇಲಾಖೆಯ ಮೂಲಕ ರಾಜ್ಯದಾದ್ಯಂತ ಆಚರಿಸುತ್ತದೆ.ಹಡಪದ ಅಪ್ಪಣ್ಣ ಮತ್ತು ಲಿಂಗಮ್ಮನವರ ಜಯಂತಿ ಹಾಗೂ ಅವರ ಇತಿಹಾಸ ಹಡಪದ ಅಪ್ಪಣ್ಣ ಮತ್ತು ಲಿಂಗಮ್ಮನವರ ಪರಿಚಯ ಹಡಪದ ಅಪ್ಪಣ್ಣ ಇವರು ಬಸವಣ್ಣನವರ ಆಪ್ತ ಒಡನಾಡಿ ಬಲಗೈ ಬಂಟ ಮತ್ತು ನಿಜಸುಖಿ ಎಂದೇ ಪ್ರಖ್ಯಾತರಾಗಿದ್ದರು.