ಲೋಕದರ್ಶನ ವರದಿ

ಕಂಪ್ಲಿ 15:  ಸ್ಥಳೀಯ 18ನೇವಾರ್ಡಿನ ಭಾರತ ಟಾಕೀಸ್ ಹತ್ತಿರ ಶ್ರೀಬನಶಂಕರಿ ದೇವಸ್ಥಾನದಲ್ಲಿ ಶುಕ್ರವಾರ ಶ್ರೀಬನಶಂಕರಿ ದೇವಿಯ ಜನ್ಮದಿನದ ಅಂಗವಾಗಿ ದೇವಿಯ ಪ್ರತಿಮೆಯನ್ನು ಅಲಂಕರಿಸಿ ವಿಶೇಷ ಪೂಜೆ ಸಲ್ಲಿಸಲಾಯಿತು. ದೇವಿಗೆ ಪಂಚಾಮೃತ ಅಭಿಷೇಕ, ಕುಂಕುಮಾರ್ಚನೆ ಸೇರಿ ವಿವಿಧ ಧಾರ್ಮಿಕ, ಆಧ್ಯಾತ್ಮಿಕ ಕಾರ್ಯಕ್ರಮ ನಡೆದವು. ದೇವಿಯ ಪ್ರತಿಮೆಗೆ ರಜತ ಕೀರೀಟ, ರಜತ ಪ್ರಭಾವಳಿ ಅಳವಡಿಸಿ ಪುಷ್ಪಗಳಿಂದ, ಬಾಳೆಗೊನೆಗಳಿಂದ ಅಲಂಕರಿಸಲಾಗಿತ್ತು.  ಈಸಂದರ್ಭದಲ್ಲಿ ಅರ್ಚಕರಾದ ಓದಾ ಬಸವರಾಜ, ಒನಕೆ ಶಂಕರ್, ಶಂಕರಮ್ಮ ದೇವಸ್ಥಾನ ಕಮಿಟಿ ಅಧ್ಯಕ್ಷ ಬಳ್ಳಾರಿ ಬಸವರಾಜ, ಸದ್ಭಕ್ತರಾದ ಕರಡಕಲ್ ವಿರುಪಣ್ಣ,  ಕವಿತಾಳ ಶಿವಕುಮಾರ್, ಸಪ್ಪರದ ರಾಘವೇಂದ್ರ, ತುಳಸಿರಾಮಚಂದ್ರ, ಬಿ.ಎಸ್‌.ಮಂಜುನಾಥ, ಪುಟ್ಟಿ ರಾಘವೇಂದ್ರ, ನೀಲಕಂಠ  ಸೇರಿ ಸದ್ಭಕ್ತರಿದ್ದರು.