ಲೋಕದರ್ಶನ ವರದಿ  

ಮುಂಡಗೋಡ 02 :  ಪಟ್ಟಣದ ಯಲ್ಲಾಪುರ ರಸ್ತೆಯ ಬ್ಲೂಹಿಲ್ ಹೋಟೆಲ್ ಸಮೀಪ ಬಹಿರಂಗವಾಗಿಯೇ ಗಾಂಜಾ ಮಾರಾಟ ಮಾಡುತ್ತಿದ್ದ ವ್ಯಕ್ತಿಯನ್ನು ಮುಂಡಗೋಡ ಪೊಲೀಸರು ಬಂಧಿಸಿ, ?55 ಸಾವಿರ ಮೌಲ್ಯದ ಗಾಂಜಾ ಹಾಗೂ ವಾಹನವನ್ನು ಜಪ್ತಿ ಮಾಡಿದ್ದಾರೆ. ಹಳದಿ ಬ್ಯಾಗ್ನಲ್ಲಿ ಅಡಗಸಿ ಬಹಿರಂಗವಾಗಿಯೇ ಗಾಂಜಾ ಮಾರಾಟ ಮಾಡುತ್ತಿದ್ದ ದಂಧೆಕೋರನಿಗೆ ಮುಂಡಗೋಡ ಪೊಲೀಸರು ಕೊನೆಗೂ ಚಳ್ಳೆಹಣ್ಣು ತಿನ್ನಿಸಿದದಾರೆ! ಬಂಧಿತ ಆರೋಪಿ ಮುಡಗೋಡ ಪಟ್ಟಣದ ಹಳೂರು ಓಣಿ ನಿವಾಸಿ ಇಸ್ಮಾಯಿಲ್ ಬಾಬುಸಾಬ್ ಜಮಖಂಡಿ (40) ಎಂದು ಗುರುತಿಸಲಾಗಿದದು, ಆತನ ಬಳಿ ಇದ್ದ 436 ಗ್ರಾಂ ಗಾಂಜಾ (ಅಂದಾಜು 25,000 ಮೌಲ್ಯ) ಹಾಗೂ ಕೃತಯಕ್ಕೆ ಬಳಸಿದ 30,000 ಮೌಲ್ಯದ ಬೈಕ್ ಸೇರಿ ಒಟ್ಟು 55,000 ಮೌಲ್ಯದ ಸ್ವತ್ತನ್ನು ಪೊಲೀಸರು ಜಪ್ತಿ ಮಾಡಿದ್ದಾರೆ.  

ಉತ್ತರ ಕನ್ನಡ ಎಸ್ಪಿ ದೀಪನ್ ಎಮ್‌.ಎನ್, ಹೆಚ್ಚುವರಿ ಎಸ್ಪಿ ಕೃಷ್ಣಮೂರ್ತಿ ಜಿ ಹಾಗೂ ಶಿರಸಿ ಡಿವೈಎಸ್ಪಿ ಗೀತಾ ಪಾಟೀಲ್, ರವರ ಮಾರ್ಗದರ್ಶನದಲ್ಲಿ, ಮುಡಗೋಡ ಸಿಪಿಐ ರಮೇಶ್ ಹನಾಪುರ ಹಾಗೂ ಪಿಎಸ್‌ಐ ಮಂಜುನಾಥ ಗೌಡರ ನೇತೃತ್ವದ ತಂಡ ಈ ಯಶಸ್ವಿ ಕಾರ್ಯಾಚರಣೆ ನಡೆಸಿತು. ಪ್ರೊಬೇಷನರಿ ಪಿಎಸ್‌ಐ ಕಾಸಿಮಸಾ ವಾಗಣಗೇರಿ ಸೇರಿದತೆ ಶಿದ್ದಲಿಂಗೇಶ, ಅಣ್ಣಪ್ಪ ಬುಡಿಗೇರ, ಕೆಂಚಪ್ಪ ಜಾಲಿಕಟ್ಟಿ, ಮುತ್ತು ಭೋವಿ, ಸಂಜು ರಾಠೋಡ, ಮಂಜುನಾಥ ಓಣಿಕೇರಿ ಮತ್ತು ಬಸವರಾಜ ಒಡೇಯರ್ ಈ ದಾಳಿಯಲ್ಲಿ ಸಕರಿಯವಾಗಿ ಪಾಲ್ಗೊಂಡರು.