ತಾಳಿಕೋಟಿ 25: ಪಟ್ಟಣದ ಐತಿಹಾಸಿಕ ಖಾಸ್ಗತೇಶ್ವರ ಮಠದ ಜಾತ್ರೋತ್ಸವ ಹಿನ್ನೆಲೆಯಲ್ಲಿ ಕೆಎಸ್ಡಿಎಲ್ ಅಧ್ಯಕ್ಷ ಹಾಗೂ ಶಾಸಕ ಅಪ್ಪಾಜಿ ನಾಡಗೌಡರು ಶುಕ್ರವಾರ ಶ್ರೀಮಠಕ್ಕೆ ಭೇಟಿ ನೀಡಿ ಲಿಂಗೈಕ್ಯ ಖಾಸ್ಗತ ಹಾಗೂ ವಿರಕ್ತ ಶ್ರೀಗಳ ಗದ್ದುಗೆಗೆ ಪೂಜೆ ನೆರವೇರಿಸಿ ನಂತರ ದ್ದಲಿಂಗ ಶ್ರೀಗಳ ಆಶೀರ್ವಾದ ಪಡೆದುಕೊಂಡರು.  ಶಾಸಕರು ಶ್ರೀಮಠದ ಮುಖ್ಯಸ್ಥ ಮುರಗೇಶ ವಿರಕ್ತಮಠ ಇವರಿಂದ ಜಾತ್ರೆಯ ಸಿದ್ಧತೆಗಳ ಕುರಿತು ಮಾಹಿತಿ ಪಡೆದುಕೊಂಡರು. ಸಿದ್ದಲಿಂಗ ದೇವರು ಶಾಸಕ ಅಪ್ಪಾಜಿ ನಾಡಗೌರಿಗೆ ಮಾಲಾರೆ​‍್ಣ ಮಾಡಿ ಆಶೀರ್ವಾದ ನೀಡಿದರು. ವಿ.ವಿ.ಸಂಘದ ಅಧ್ಯಕ್ಷ ವೀರಪಾಕ್ಷಯ್ಯ ಹಿರೇಮಠ, ಸಿದ್ದನಗೌಡ ಪಾಟೀಲ ನಾವದಗಿ, ಪಿಎಸ್‌ಐ ಜ್ಯೋತಿ ಖೋತ್, ಸಂಗನಗೌಡ ಅಸ್ಕಿ, ಸಜ್ಜನ ಬಳಗಾನೂರ, ಆಸೀಫ್ ಕೆಂಭಾವಿ, ಮಲ್ಲನಗೌಡ ದೇಸಾಯಿ, ಬಬ್ಲೂ ಕೆಂಭಾವಿ ಮತ್ತೀತರರು ಇದ್ದರು.