ಲೋಕದರ್ಶನ ವರದಿ 

ತಾಳಿಕೋಟೆ, ಆ. 3: ಪಟ್ಟಣದ ವೀರಶೈವ ವಿದ್ಯಾವರ್ಧಕ ಸಂಘದ ಶ್ರೀ ಖಾಸಗತೇಶ್ವರ ಶಿಕ್ಷಣ ಮಹಾವಿದ್ಯಾಲಯ (ಬಿ.ಎಡ್‌.)ದ ಋಂಅ ಆಶ್ರಯದಲ್ಲಿ ಆಯೋಜಿಸಿದ್ದ ಅನುಬೋಧನೆಕಾರ್ಯಾಗಾರ ಉದ್ಘಾಟನಾ ಸಮಾರಂಭ ಸೋಮವಾರ ಯಶಸ್ವಿಯಾಗಿ ನಡೆಯಿತು.  ಕಾರ್ಯಕ್ರಮವನ್ನು ಸಂಘದ ವೈಸ್ ಚೇರ್ಮನ್ ಹಾಗೂ ಎಸ್‌.ಕೆ. ಶಿಕ್ಷಣ ಮಹಾವಿದ್ಯಾಲಯದ ಚೇರ್ಮನ್ ಕಾಶಿನಾಥ ಎಸ್‌. ಮುರಾಳ ಉದ್ಘಾಟಿಸಿದರು.  

ಮುಖ್ಯ ಅತಿಥಿಯಾಗಿ ಪಾಲ್ಗೊಂಡಿದ್ದ ಡಾ. ಸಿ. ಎಸ್‌. ಬಂಡಾರಗಲ್ ಅವರು ಶಿಕ್ಷಕರ ವೃತ್ತಿನೈತಿಕತೆ, ಮೌಲ್ಯಗಳು ಹಾಗೂ ಆದರ್ಶ ವ್ಯಕ್ತಿತ್ವದ ಮಹತ್ವದ ಕುರಿತು ಉಪನ್ಯಾಸ ನೀಡಿದರು. ಮತ್ತೋರ್ವ ಅತಿಥಿ ಪ್ರೊ. ಬಿ. ಎನ್‌. ಬೋಳಿಶೆಟ್ಟಿ ಅವರು ’ಪಾಠ ಪರಿಚಯಿಸುವ ಕೌಶಲ್ಯ’ ಕುರಿತು ಪ್ರಾಯೋಗಿಕ ಮಾದರಿ ಪಾಠ ಪ್ರದರ್ಶಿಸಿ, ಪರಿಣಾಮಕಾರಿ ಬೋಧನಾ ವಿಧಾನಗಳ ಬಗ್ಗೆ ಮಾರ್ಗದರ್ಶನ ನೀಡಿದರು.  

ಅಧ್ಯಕ್ಷತೆಯನ್ನು ಕಾಲೇಜಿನ ಪ್ರಾಂಶುಪಾಲ ಡಾ. ಆರ್‌. ಎಂ. ಬಂಟನೂರ ವಹಿಸಿದ್ದರು. ಅನುಬೋಧನೆ ಶಿಕ್ಷಕರ ಬೋಧನಾ ಕೌಶಲ್ಯ, ಆತ್ಮವಿಶ್ವಾಸ ಹಾಗೂ ತರಗತಿ ನಿರ್ವಹಣಾ ಸಾಮರ್ಥ್ಯವನ್ನು ವೃದ್ಧಿಸುವಲ್ಲಿ ಸಹಕಾರಿಯಾಗಿದೆ ಎಂದು ಅವರು ತಿಳಿಸಿದರು.  

ಸಂಯೋಜಕ ಪ್ರೊ. ಯು. ಎನ್‌. ಮಂಗೊಂಡ ಉಪಸ್ಥಿತರಿದ್ದರು. ಕಾರ್ಯಕ್ರಮದ ಉದ್ದೇಶವನ್ನು ಪ್ರೊ. ಎ. ಎ. ಗಂಗಣಗೌಡ ವಿವರಿಸಿದರು. ಸಾವಿತ್ರಿ ಸ್ವಾಗತಿಸಿ, ಭಾಗ್ಯ ಅತಿಥಿಗಳಿಗೆ ಪುಷ​‍್ಾರೆ್ಪಣ ನೆರವೇರಿಸಿದರು. ಅನ್ನಪೂರ್ಣೇಶ್ವರಿ ಕಾರ್ಯಕ್ರಮ ನಿರೂಪಿಸಿ, ಮಧು ನಾಡಗೌಡ ವಂದಿಸಿದರು. ಕಾರ್ಯಕ್ರಮದಲ್ಲಿ ಕಾಲೇಜಿನ ಉಪನ್ಯಾಸಕರು, ಸಿಬ್ಬಂದಿ ಹಾಗೂ ಪ್ರಶಿಕ್ಷಣಾರ್ಥಿಗಳು ಭಾಗವಹಿಸಿದ್ದರು.