ಬೆಂಗಳೂರು, ಫೆ. 4, ದಕ್ಷಿಣ ಕೊರಿಯಾ ಪ್ರವಾಸದಲ್ಲಿರುವ ಮಾಜಿ ಪ್ರಧಾನಿ ಎಚ್‌.ಡಿ.ದೇವೇಗೌಡ ಫಿನ್​ಲ್ಯಾಂಡ್ ನ ರಾಜಕೀಯ ನಾಯಕರನ್ನು ಭೇಟಿಯಾಗಿದ್ದಾರೆ. ಫಿನ್​ಲ್ಯಾಂಡ್​​ನ ಮಾಜಿ ಪ್ರಧಾನಿ ಹಾಗೂ  ಯುರೋಪ್ ಸಂಸತ್​ ಸದಸ್ಯೆ ಅನ್ನೇಲಿ ಜಾಟ್ಟೀನ್ಮಕಿ ಅವರನ್ನು ಭೇಟಿಯಾಗಿ ಮಾತುಕತೆ  ನಡೆಸಿದ್ದಾರೆ. ಈ ಬಗ್ಗೆ  ದೇವೇಗೌಡ  ಟ್ವಿಟರ್​​ ಖಾತೆಯಲ್ಲಿ ಹಂಚಿಕೊಂಡಿದ್ದು, ಅನ್ನೇಲಿ  ಜಾಟ್ಟೀನಕಿ ಜೊತೆ ಮಾತುಕತೆ ನಡೆಸಿರುವ ಫೋಟೋಗಳನ್ನು ಹಂಚಿಕೊಂಡಿದ್ದಾರೆ.ಬುಧವಾರ  ಸೋಲ್‌ನಲ್ಲಿ ನಡೆಯಲಿರುವ ಯೂನಿವರ್ಸಲ್‌ ಪೀಸ್‌ ಫೌಂಡೇಶನ್‌ ಹಮ್ಮಿಕೊಂಡಿರುವ ಜಾಗತಿಕ  ಸಮಾವೇಶದಲ್ಲಿ ದೇವೇಗೌಡರು ಪಾಲ್ಗೊಳ್ಳಲಿದ್ದಾರೆ ಎಂದು ಹೇಳಿದ್ದಾರೆ.