ಧಾರವಾಡ ಜಿಲ್ಲಾ ಬೀದಿ ನಾಟಕ ಒಕ್ಕೂಟದ ಅಧ್ಯಕ್ಷರಾಗಿ ಮಹಾಂತೇಶ ಡೊಳ್ಳಿನ್ ಆಯ್ಕೆ
ಲೋಕದರ್ಶನ ವರದಿ
ಕುಂದಗೋಳ, ಆ.7: ಧಾರವಾಡ ಜಿಲ್ಲಾ ಬೀದಿ ನಾಟಕ ಒಕ್ಕೂಟದ ಅಧ್ಯಕ್ಷರಾಗಿ ಕುಂದಗೋಳ ತಾಲೂಕಿನ ಪಶುಪತಿಹಾಳ ಗ್ರಾಮದ ಜನಪದ, ದೊಡ್ಡಾಟ ಹಾಗೂ ಬೀದಿ ನಾಟಕ ಕಲಾವಿದ ಮಹಾಂತೇಶ ಎನ್‌. ಡೊಳ್ಳಿನ್ ಅವರನ್ನು ಆಯ್ಕೆ ಮಾಡಲಾಗಿದೆ.
ಕುಂದಗೋಳದ ಪರೀಶೀಲನಾ ಮಂದಿರದಲ್ಲಿ ಬುಧವಾರ ನಡೆದ ಜಿಲ್ಲಾ ಬೀದಿ ನಾಟಕ ಒಕ್ಕೂಟ ರಚನೆ ಹಾಗೂ ಕಲಾವಿದರ ನೋಂದಣಿ ಅಭಿಯಾನ ಸಭೆಯಲ್ಲಿ ಈ ಆಯ್ಕೆ ನಡೆಯಿತು. ಖ್ಯಾತ ರಂಗಕರ್ಮಿ ಹಾಗೂ ಸಾಹಿತಿ ಎಂ.ಎಸ್‌. ಮಾಳವಾಡ ಅವರು ಸಭೆಯ ಅಧ್ಯಕ್ಷತೆ ವಹಿಸಿದ್ದರು.
ರಾಜ್ಯ ಬೀದಿ ನಾಟಕ ಒಕ್ಕೂಟದ ಸಲಹೆಗಾರರಾದ ಶಂಭಯ್ಯ ಹಿರೇಮಠ, ಅಶೋಕ್ ಬಡಿಗೇರ ಹಾಗೂ ಸಹ ಕಾರ್ಯದರ್ಶಿ ಬಸವರಾಜ ಗೊಬ್ಬಿ ಅವರ ಉಪಸ್ಥಿತಿಯಲ್ಲಿ ನೂತನ ಜಿಲ್ಲಾ ಘಟಕವನ್ನು ರಚಿಸಲಾಯಿತು.
