ರಾಯಬಾಗ 06 : ಆರೋಗ್ಯ ಇಲಾಖೆಯ 30 ಸಾವಿರ ಸಿಬ್ಬಂದಿಗಳಿಗೆ ಮಾರಕವಾಗುವ ಆರೋಗ್ಯ ಮತ್ತು ಕುಟುಂಬ ಕಲ್ಯಾಣ ಇಲಾಖೆ ಸರ್ಕಾರದ ಅಧೀನ ಕಾರ್ಯದರ್ಶಿ ಶ್ರೀಪತಿ ಪಿ.ಕೆ ಹೊರಡಿಸಿದ ಪ್ರಸ್ತಾವನೆಯನ್ನು ಹಿಂಪಡೆಯಲು ಸರ್ಕಾರಕ್ಕೆ ಬೆಳಗಾವಿಯಲ್ಲಿ ನಡೆಯುವ ಚಳಿಗಾಲದ ಅಧಿವೇಶನದಲ್ಲಿ  ಒತ್ತಾಯಿಸುವಂತೆ ಶಾಸಕ ಡಿ.ಎಮ್‌.ಐಹೊಳೆಯವರಿಗೆ ಶನಿವಾರ ಪಟ್ಟಣದ ಶಾಸಕರ ಗೃಹ ಕಚೇರಿಯಲ್ಲಿ ಕರ್ನಾಟಕ ರಾಜ್ಯ ಎನ್‌.ಹೆಚ್‌.ಎಮ್‌. ಗುತ್ತಿಗೆ ನೌಕರರ ಸಮನ್ವಯ ಸಮಿತಿಯವರು ಮನವಿ ಸಲ್ಲಿಸಿದರು.ಆರೋಗ್ಯ ಇಲಾಖೆಯಲ್ಲಿ ಅತ್ಯಂತ ಕಡಿಮೆ ವೇತನದಲ್ಲಿ ಕಳೆದ 18-20 ವರ್ಷಗಳಿಂದ ಎನ್‌.ಎಚ್‌.ಎಮ್ ಸಿಬ್ಬಂದಿಗಳು ಕಾರ್ಯನಿರ್ವಹಿಸುತ್ತಿದ್ದು, ಪ್ರಾಮಾಣಿಕವಾಗಿ ಸಾರ್ವಜನಿಕರಿಗೆ ಆರೋಗ್ಯ ಸೇವೆ ನೀಡಲಾಗುತ್ತಿದೆ. ಆರೋಗ್ಯ ನೌಕರರ ಭವಿಷ್ಯ ಮತ್ತು ಭದ್ರತೆಗೆ ಮಾರಕವಾಗಿರುವ ಮರು ನೇಮಕಾತಿ ಮಾನವ ಸಂಪನ್ಮೂಲ ಪ್ರಸ್ತಾವನೆಯನ್ನು ಕೈಬಿಡಬೇಕೆಂದು ಮನವಿಯಲ್ಲಿ ಸರ್ಕಾರಕ್ಕೆ ಒತ್ತಾಯಿಸಿದರು.ಡಾ.ಸುರೇಶ ಪಾಟೀಲ, ಡಾ.ಲಕ್ಷ್ಮೀ ಸಂಜುಗೋಳ, ಡಾ.ಶಶಿಕಲಾ ಚೌಗಲಾ, ಡಾ.ಭಾರತಿ ಮಾರಡಿ, ಗೀತಾ ಹಿರೇಕೊಡಿ, ಮಂಜುನಾಥ ಜಾಧವ, ಶರಣಬಸಯ್ಯ ಹೀರೆಮಠ, ಸವಿತ ಚೌಗಲಾ, ನಾಗಿಣಿ ಕಾಂಬಳೆ, ಕವಿತಾ ಶಿಂಗೆ ಮತ್ತು ಎನ್‌.ಎಚ್‌.ಎಮ್ ಆರೋಗ್ಯ ಸಿಬ್ಬಂದಿಗಳು ಇದ್ದರು.