ಲೋಕದರ್ಶನ ವರದಿ  

ಇಂಡಿ 20: ತಾಲ್ಲೂಕಿನ ಚಿಕ್ಕಬೇವನೂರ ಎಚ್ ಪಿ ಎಸ್ ಶಾಲೆಯಲ್ಲಿ 12ನೇ ವಿಶ್ವಯೋಗ ದಿನಾಚರಣೆಯನ್ನು ಅರ್ಥಪೂರ್ಣವಾಗಿ ಆಚರಿಸಲಾಯಿತು.ಈ ಸಂದರ್ಭದಲ್ಲಿ ಗುರುಮಾತೆ ಎಸ್‌.ಕೆ.ಮಾವಿನಮರ ಅವರು ಮಕ್ಕಳಿಗೆ ಯೋಗವನ್ನು ಮಾಡಿಸಿ ನಂತರ ಮಾತನಾಡಿ, ಭಾರತೀಯ ಸಂಸ್ಕೃತಿಯಲ್ಲಿ ಯೋಗವು ಸಾವಿರಾರು ವರ್ಷಗಳ ಇತಿಹಾಸ ಹೊಂದಿದ್ದು, ಇದು ಮನುಷ್ಯನ ಮನಸ್ಸು, ದೇಹ, ಉಸಿರಾಟವನ್ನು ನಿಯಂತ್ರಿಸಿ, ಆಂತರಿಕ ಶಾಂತಿ ಕಾಪಾಡಲು ಸಹಕಾರಿಯಾಗಿದೆ. ಇಂದಿನ ವಿದ್ಯಾರ್ಥಿಗಳಲ್ಲಿ ಒತ್ತಡ-ಆತಂಕ ನಿವಾರಿಸಿ, ಏಕಾಗ್ರತೆ, ನೆನಪಿನ ಶಕ್ತಿಯನ್ನು ವೃದ್ಧಿಸಲು ಯೋಗವು ಪರಿಪೂರ್ಣ ಅಭ್ಯಾಸವಾಗಿದೆ. ಮನುಷ್ಯ ತನ್ನ ಜೀವನವನ್ನು ಯೋಗ ಜೀವನವನ್ನಾಗಿ ಬದಲಾಯಿಸಿಕೊಳ್ಳಬೇಕು. ಯೋಗವು ದೈಹಿಕ, ಮಾನಸಿಕ, ಆಧ್ಯಾತ್ಮಿಕ ಆರೋಗ್ಯವನ್ನು ಸಮತೋಲನದಲ್ಲಿಡುವ ಅದ್ಭುತ ಜೀವನ ಶೈಲಿಯಾಗಿದೆ ಎಂದು ಹೇಳಿದರು.ಈ ಸಂದರ್ಭದಲ್ಲಿ ರವಿ ವಾಲಿಕಾರ, ಆರ್‌.ಎಂ.ಮುಜಾವರ, ಕೆ.ಆರ್‌.ಅವಟಿ, ಮುಖ್ಯ ಗುರು ಲಾಯಪ್ಪ ಮನಗೂಳಿ ಹಾಗೂ ವಿದ್ಯಾರ್ಥಿಗಳು ಉಪಸ್ಥಿತರಿದ್ದರು.