ಕಲಬುರಗಿ,ಜೂ.3,ಮೈ ಮೇಲೆ ಮರ ಬಿದ್ದು  ವ್ಯಕ್ತಿಯೋರ್ವ ಸ್ಥಳದಲ್ಲೇ ಮೃತಪಟ್ಟಿರುವ ಘಟನೆ ನಗರದ ಹೊರವಲಯದ ಸೆಂಟ್ರಲ್ ಜೈಲು ಕ್ವಾಟ್ರಸ್ ನಲ್ಲಿ ಬುಧವಾರ ಸಂಭವಿಸಿದೆ. 41 ವರ್ಷದ ಗೋವಿಂದ ಚೌವಾಣ್ ಮೃತ ದುರ್ದೈವಿ.ಬೆಳಗ್ಗೆ 5.30 ಸುಮಾರಿಗೆ ಕಸ ಹಾಕಲು ಮನೆ ಹೊರಗೆ ಹೋದಾಗ ಏಕಾಏಕೀ ಮೈಮೇಲೆ  ಮರ ಬಿದ್ದಿದೆ. ಮೃತರು ಕಾರಾಗೃಹದ ಡಿ ಗ್ರೂಪ್ ಮಹಿಳಾ ಸಿಬ್ಬಂದಿ ಪಾರುಬಾಯಿ ಅವರ ಪತಿ ಎಂದು ತಿಳಿದು ಬಂದಿದೆ.ಘಟನೆಗೆ ಸಂಬಂಧಿಸಿದಂತೆ ಫರಹತ್ತಬಾದ್ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.