ಲಕ್ಷ್ಮೇಶ್ವರ, ಆ.25: ಪಟ್ಟಣದ ಮಾನವಿ ಪೆಟ್ರೋಲ್ ಬಂಕ್ನಲ್ಲಿ ಪೂರೈಕೆಯಾಗುತ್ತಿದ್ದ ಸಿಎನ್ಜಿ ಸಿಲಿಂಡರ್ ಗ್ಯಾಸ್ ಬದಲಿಗೆ ಸಿಬಿಜಿ ಗ್ಯಾಸ್ ಪೂರೈಸಲು ಬಂದಿದ್ದ ವಾಹನವನ್ನು ಆಟೋ ಚಾಲಕರು ಹಾಗೂ ಮಾಲೀಕರು ತಡೆದು ಪ್ರತಿಭಟನೆ ನಡೆಸಿದರು.  

ಆಟೋ ಚಾಲಕರು ಮಾತನಾಡಿ, ಪ್ರತಿದಿನ ತಮ್ಮ ಆಟೋಗಳಿಗೆ ಸಿಎನ್ಜಿ ಸಿಲಿಂಡರ್ ಗ್ಯಾಸ್ ಬಳಸುತ್ತಿದ್ದು, ಇದೀಗ ಏಕಾಏಕಿ ಸಿಬಿಜಿ ಗ್ಯಾಸ್ ಪೂರೈಕೆ ಮಾಡಲು ಮುಂದಾಗಿರುವುದಕ್ಕೆ ವಿರೋಧವಿದೆ ಎಂದು ಹೇಳಿದರು.

ಸಿಬಿಜಿ ಗ್ಯಾಸ್ ಬಳಸುವುದರಿಂದ ವಾಹನಗಳ ಮೇಲೆ ದುಷ್ಪರಿಣಾಮ ಉಂಟಾಗುವ ಸಾಧ್ಯತೆ ಇದೆ ಹಾಗೂ ವಾಹನಗಳು ಪದೇಪದೇ ಕೆಟ್ಟುಹೋಗುವ ಆತಂಕವಿದೆ ಎಂದು ಅವರು ಅಸಮಾಧಾನ ವ್ಯಕ್ತಪಡಿಸಿದರು.  

ಆದ್ದರಿಂದ ಸಿಎನ್ಜಿ ಸಿಲಿಂಡರ್ ಗ್ಯಾಸ್ನ್ನೇ ಪೂರೈಸಬೇಕು ಎಂದು ಬಂಕ್ ಮಾಲೀಕರನ್ನು ಒತ್ತಾಯಿಸಿದರು. ಇದಕ್ಕೆ ಸ್ಪಂದಿಸಿದ ಬಂಕ್ ಮಾಲೀಕ ವೀರೇಶ ಮಾನವಿ, ಸಿಎನ್ಜಿ ಗ್ಯಾಸ್ ಪೂರೈಕೆ ಮಾಡುವಂತೆ ಈಗಾಗಲೇ ಕಂಪನಿಗೆ ತಿಳಿಸಲಾಗಿದೆ. ಆದರೆ ಕಂಪನಿಯವರು ಸಿಎನ್ಜಿ ಬದಲಿಗೆ ಸಿಬಿಜಿ ಗ್ಯಾಸ್ ಕಳುಹಿಸಿದ್ದಾರೆ. ಅದನ್ನು ವಾಪಸ್ ಕಳುಹಿಸುವುದಾಗಿ ಭರವಸೆ ನೀಡಿದರು.