ಲೋಕದರ್ಶನ ವರದಿ 

ಯಮಕನಮರಡಿ  05: ಹುಕ್ಕೇರಿತಾಲೂಕಿನ ಗುಡ್ಡಗಾಡು ಪ್ರದೇಶವಾದ ಇಸ್ಲಾಂಪುರ ಗ್ರಾಮದ ಹೊರವಲಯದಲ್ಲಿ ಇರುವ ಶ್ರೀ ಸಕ್ರಮದೇವಿ  ಜಾತ್ರೆಯು ಪ್ರತಿ 10 ವರ್ಷಕ್ಕೊಮ್ಮೆ ಜರುಗಲಿದ್ದು ಇದೆ ದಿನಾಂಕ 7 ರಂದು ಅತಿ ವಿಜ್ರಂಭಣೆಯಿಂದ ಜರುಗಲಿದೆ ಎಂದು ಯಾತ್ರಾ ಕಮಿಟಿ ತಿಳಿಸಿದೆ.   ಈ ಕುರಿತು ಒಂದು ಕಿರು ಲೇಖನ ಅತಿ ಪೂರ್ವದಲ್ಲಿ ಆದಿಶಕ್ತಿ ಶ್ರೀ ಬನಶಂಕರಿ ದೇವಿಯು ಅರಣ್ಯ ಸಂಚಾರ ಮಾಡುತ್ತಾ ಬಂದು ಸದರಿ ಗ್ರಾಮದ ಹೊರ ವಲಯದಲ್ಲಿ ವಿಶ್ರಾಂತಿಗಾಗಿ ಶ್ರೀ ಬನಶಂಕರಿ ದೇವಿಯು ಈ ಸ್ಥಳದಲ್ಲಿ ತಂಗಿದ್ದಳೆಂದು ಹಿರಿಯರು ಹೇಳುತ್ತಾರೆ ಇದೇ ಸ್ಥಳದಲ್ಲಿ ಗ್ರಾಮಸ್ಥರು ಒಂದು ದೇವಸ್ಥಾನ ನಿರ್ಮಿಸಿ ಶಕ್ತಿ ದೇವಿಯ ಮೂರ್ತಿಯನ್ನು ಪ್ರತಿಷ್ಠಾಪನೆ ಮಾಡಿ ಸಕ್ರಮ ಎಂದು ನಾಮಕರಣದಿಂದ ಕರೆಯಲ್ಪಡುತ್ತಿರುವ ದೇವಸ್ಥಾನವೇ ಸಕ್ರಮ ದೇವಸ್ಥಾನ ಈ ದೇವಸ್ಥಾನದ ಸುತ್ತಮುತ್ತಲು ಆಗಿನ ಕಾಲದಲ್ಲಿ ಭವ್ಯಾರಣ್ಯ ಇತ್ತು ಎಂದು ಕೆಲ ಜನರು ಹೇಳುತ್ತಾರೆ ಇದರಿಂದಾಗಿ ಗ್ರಾಮಸ್ಥರು ಅಪಾರ ಭಕ್ತಿ ಶ್ರದ್ಧೆ ಯಿಂದ ಶ್ರೀದೇವಿಯ ಜಾತ್ರೆಯನ್ನು ಆಚರಿಸುತ್ತಾ ಬಂದಿರುವುದೊಂದು ಪ್ರತೀತಿ.