ರಾಣೆಬೆನ್ನೂರು :13 ಪ್ರತಿಯೊಬ್ಬ ವಿದ್ಯಾರ್ಥಿಗಳ ಮಾನಸಿಕ, ದೈಹಿಕ ಮತ್ತು ಬೌದ್ಧಿಕ ವಿಕಾಸತೆಗೆ ರಾಷ್ಟ್ರೀಯ ಸೇವಾ ಯೋಜನಾ ಶಿಬಿರಗಳು ಅತ್ಯಂತ ಪರಿಣಾಮಕಾರಿಯಾಗಿ ತುಂಬಾ ಸಹಕಾರಿಯಾಗಿದೆ ಎಂದು ಡಾ. ಸಂಜಯ್ ಸಾವುಕಾರ ಹೇಳಿದರು.  

 ಅವರು ತಾಲೂಕಿನ ದತ್ತು ಗ್ರಾಮ  ನಂದಿಹಳ್ಳಿ  ಬಸವೇಶ್ವರ ಕಲ್ಯಾಣ ಮಂಟಪದಲ್ಲಿ, ಆರ್‌. ಟಿ. ಇ. ಎಸ್ ಪದವಿ ವಿದ್ಯಾಲಯದ ರಾಷ್ಟ್ರೀಯ ಸೇವಾ ಯೋಜನೆ, ವಿಶೇಷ ಶಿಬಿರ ಉದ್ಘಾಟಿಸಿ ಮಾತನಾಡಿದರು. ಸಮಾಜದಲ್ಲಿ ಶಿಕ್ಷಣದ ಜೊತೆ, ಜೊತೆಗೆ ಸಂಸ್ಕೃತಿ, ಸಂಸ್ಕಾರ, ಆಚಾರ, ವಿಚಾರ, ಮತ್ತು ಸಂಸ್ಕಾರ ಪರಂಪರೆ  ಬೆಳೆಸಿಕೊಂಡಾಗ ಮಾತ್ರ ಸುಶಿಕ್ಷಿತ ಸಮಾಜ ನಿರ್ಮಾಣವಾಗಲು ಸಾಧ್ಯವಿದೆ ಎಂದರು.  

      ಉದ್ಘಾಟನಾ ಸಮಾರಂಭದ ಅಧ್ಯಕ್ಷತೆ ವಹಿಸಿದ್ದ ಕಾಲೇಜು ಪ್ರಾಚಾರ್ಯ ಸಿ.ಎ. ಹರಿಹರ ಅವರು, ಗ್ರಾಮ ಸಂಸ್ಕೃತಿಯ ಮಹತ್ವ ಮತ್ತು ಇಲ್ಲಿನ ಸಂಸ್ಕಾರ ಪರಂಪರೆ ಅರಿತಾಗ ಮಾತ್ರ ವಿದ್ಯಾರ್ಥಿಗಳ ಜೀವನ ಬದುಕು ಸಾರ್ಥಕತೆ ಹೊಂದಲಿದೆ ಎಂದರು.  

       ನಂದಿಹಳ್ಳಿ ಶ್ರೀ ಬಸವೇಶ್ವರ ದೇವಸ್ಥಾನ ಸೇವಾ ಸಮಿತಿ ಅಧ್ಯಕ್ಷ  ದೇವೇಂದ್ರ​‍್ಪ.ಬ ಕೊಪ್ಪದ, ಪ್ರೊ, ಎಲ್‌.ಎಂ. ಮಾವಿನತೋಪ, ಡಾ. ಮಾಲತೇಶ ಪೂಜಾರ, ಎನ್‌. ಎಸ್‌. ಎಸ್‌. ಕಾರ್ಯಕ್ರಮಾಧಿಕಾರಿ ರಾಜಣ್ಣ ಪಿ, ಸೇರಿದಂತೆ ಮತ್ತಿತರ ಗಣ್ಯರು, ಕಾಲೇಜು ಉಪನ್ಯಾಸಕರು, ಗ್ರಾಮದ ಮುಖಂಡರು ಉಪಸ್ಥಿತರಿದ್ದರು ಆರಂಭಗೊಂಡಿರುವ ಸೇವಾ ಯೋಜನೆ ಶಿಬಿರವು ವಾರಗಳ ಕಾಲ ನಡೆಯಲಿದ್ದು, ನಿತ್ಯವು ಯೋಗ, ಧ್ಯಾನ, ಪ್ರಾಣಾಯಾಮ, ಗ್ರಾಮ ಸ್ವಚ್ಛತೆ, ಆರೋಗ್ಯ ಮತ್ತು ಶಿಕ್ಷಣ, ಪರಿಸರ ಮತ್ತಿತರ ಜಾಗೃತಿ ಕಾರ್ಯಕ್ರಮಗಳು ಜರುಗಲಿವೆ ಎಂದು ಯೋಜನಾಧಿಕಾರಿಗಳು ತಿಳಿಸಿದ್ದಾರೆ.