ಲೋಕದರ್ಶನ ವರದಿ 

  ದಾಂಡೇಲಿ  22:      ಮಾರುತಿ ನಗರದ ಅಂಬೇಡ್ಕರ್ ಶಾಲೆ ಸಮೀಪ ಗಾಂಜಾ ಮಾರಾಟ ನಡೆಯುತ್ತಿದೆ ಎಂಬ ಖಚಿತ ಮಾಹಿತಿ ಮೇರೆಗೆ ಸ್ಥಳೀಯ ಪೊಲೀಸರು ದಾಳಿ ನಡೆಸಿ ನಾಲ್ವರನ್ನು ಬಂಧಿಸಿದ್ದಾರೆ.  ಬಂಧಿತರಿಂದ 247 ಗ್ರಾಂ ಗಾಂಜಾ, ಅಂದಾಜು ?10,000 ಮೌಲ್ಯದ ಮಾದಕ ವಸ್ತು, ?400 ನಗದು ಹಾಗೂ ಇತರೆ ಪರಿಕರಗಳನ್ನು ವಶಪಡಿಸಿಕೊಳ್ಳಲಾಗಿದೆ.  ಬಂಧಿತರನ್ನು ಮಾರುತಿ ನಗರದ ಅಕ್ಷಯ್ ಶ್ರೀಕಾಂತ್ ವಾಡೇಕರ್, ಅಡಿಕೆ ಹೊಸೂರಿನ ತೌಸೀಫ್ ನಜೀರ್ ಅಹಮದ್ ಅಜಗಾಂವ್ಕರ್, ಟೌನ್‌ಶಿಪ್‌ನ ಸಾಹಿಲ್ ಅನ್ವರ್ ಶೇಖ್ ಹಾಗೂ ರಾಜೇಶ್ ದಯಾ ಶಂಕರ್ ಯಾದವ್ ಎಂದು ಗುರುತಿಸಲಾಗಿದೆ.  ಈ ಸಂಬಂಧ ನಗರ ಪೊಲೀಸ್ ಠಾಣೆಯಲ್ಲಿ ಎನ್‌ಡಿಪಿಎಸ್ ಕಾಯ್ದೆಯಡಿ ಪ್ರಕರಣ ದಾಖಲಿಸಿ, ಆರೋಪಿಗಳನ್ನು ನ್ಯಾಯಾಲಯದ ಬಂಧನಕ್ಕೆ ಒಪ್ಪಿಸಲಾಗಿದೆ.