25 ದಿನಗಳ ಕಾಲ ಆನಲೈನ್ ಮೂಲಕ ಉಚಿತ ಸಂಹವನ ಕೌಶಲ್ಯ ಅಭಿವೃದ್ಧಿ ತರಬೇತಿ
ಲೋಕದರ್ಶನ ವರದಿ
ಧಾರವಾಡ 25 : ಉನ್ನತ ಭಾರತ ಅಭಿಯಾನ ಕರ್ನಾಟಕ ವಿಶ್ವವಿದ್ಯಾಲಯ ಧಾರವಾಡ ಹಾಗೂ ಅವಸರ ಫೌಂಡೇಶನ್ ಟ್ರಸ್ಟ್‌ ಬೆಂಗಳೂರು ಇವರ ಸಹಯೋಗದಲ್ಲಿ 2023 ರಿಂದ 2025 ರವರೆಗೆ ಸತತವಾಗಿ ಮೂರು ಶೈಕ್ಷಣಿಕ ವರ್ಷಗಳ ಕಾಲ ಉ.ಭಾ.ಅ ದತ್ತು ಗ್ರಾಮಗಳ ಪ್ರತಿಭಾವಂತ ವಿದ್ಯಾರ್ಥಿನಿಯರಿಗೆ ಶಿಷ್ಯವೇತನವನ್ನು ನೀಡಲಾಗುತ್ತಿದ್ದು. ಅದರ ಜೊತೆಗೆ, 2026ರ ಶೈಕ್ಷಣಿಕ ವರ್ಷದಿಂದ ವಿದ್ಯಾರ್ಥಿನಿಯರಿಗೆ 25 ದಿನಗಳ ಕಾಲ ಆನಲೈನ್ ಮೂಲಕ ಉಚಿತ ಸಂಹವನ ಕೌಶಲ್ಯ ಅಭಿವೃದ್ಧಿ ತರಬೇತಿ ಕಾರ್ಯಕ್ರಮವನ್ನು ದಿನಾಂಕ 22.05.2026 ರಂದು ಪ್ರಾರಂಭಿಸಲಾಯಿತು.
ಕರ್ನಾಟಕ ವಿಶ್ವವಿದ್ಯಾಲಯದ ಮೈಕ್ರೊಬಯೊಲಾಜಿ ಹಾಗೂ ಬಯೊಟೆಕ್ನಾಲಾಜಿ ವಿಭಾಗದ ಸೆಮಿನಾರ ಹಾಲ್‌ನಲ್ಲಿ ಉನ್ನತ ಭಾರತ ಅಭಿಯಾನ ಕೋಶದ ಸಂಯೋಜಕರಾದ ಡಾ. ತ್ರಿವೇಣಿ ಎಸ್‌. ಕಾರ್ಯಕ್ರಮಕ್ಕೆ ಚಾಲನೆ ನೀಡಿದರು. ಅವಸರ ಫೌಂಡೇಶನ್ ಟ್ರಸ್ಟ್‌ ವತಿಯಿಂದ ಶ್ರೀಮತಿ. ಚಂದ್ರಮತಿ ಎಲ್‌. ರವರು ಸಂಪನ್ಮೂಲ ವ್ಯಕ್ತಿಗಳಾಗಿ ತರಬೇತಿ ನೀಡಿದರು ಹಾಗೂ ಕಾರ್ಯಕ್ರಮದಲ್ಲಿ 30 ವಿದ್ಯಾರ್ಥಿನಿಯರು (ಫಲಾನುಭವಿಗಳು) ಪಾಲ್ಗೊಂಡಿದ್ದರು.
