ಡಾ.ಜಿನದತ್ತ ಅ.ಹಡಗಲಿರವರಿಗೆ ಮಹಾತ್ಮಾ ಫುಲೆ ಸಮತಾ ಪ್ರಶಸ್ತಿ

ಧಾರವಾಡ 06 : ಮಹಾತ್ಮಾ ಫುಲೆ ಸಮತಾ ಪ್ರಶಸ್ತಿ: ಸಮಾನತೆಯ ಅರಿವಿನ ಹಬ್ಬ -ಅಂಬೇಡ್ಕರ ಹಬ್ಬ. 2026ರ ಸವಿ ನೆನಪಿನಲ್ಲಿ ದಲಿತ ವಿದ್ಯಾರ್ಥಿ ಪರಿಷತ್ತು , ಜ್ಯೋತಿಬಾ ಫುಲೆ ಅವರ 199 ನೆಯ ಜಯಂತಿ ಪ್ರಯುಕ್ತ ಕೊಡಮಾಡುವ ರಾಜ್ಯ ಮಟ್ಟದ” ಮಹಾತ್ಮಾ ಫುಲೆ ಸಮತಾ” ಪ್ರಶಸ್ತಿಗೆ ಧಾರವಾಡದ ಸಾಹಿತಿ, ಪ್ರಾಧ್ಯಾಪಕ (ನಿ) ಡಾ.ಜಿನದತ್ತ ಅ.ಹಡಗಲಿ ಅವರು ಆಯ್ಕೆಯಾಗಿದ್ದಾರೆ. ಇದೇ ದಿನಾಂಕ 11 ರಂದು, ವಿಜಯಪುರದ ಕಂದಗಲ್ ಹನುಮಂತರಾಯ ರಂಗಮಂದಿರದಲ್ಲಿ ಪ್ರಶಸ್ತಿ ಪ್ರದಾನ ಮಾಡಲಾಗುವುದು ಎಂದು ದಲಿತ ವಿದ್ಯಾರ್ಥಿ ಪರಿಷತ್ತು ರಾಜ್ಯಾಧ್ಯಕ್ಷ ಶ್ರೀನಾಥ ಪೂಜಾರಿ ಅವರು ತಿಳಿಸಿದ್ದಾರೆ.