ಲೋಕದರ್ಶನ ವರದಿ 

ಬೆಳಗಾವಿ, ಸೆಪ್ಟಂಬರ್ 03 : ಜಿಲ್ಲಾ ಕಾನೂನು ಸೇವೆಗಳ ಪ್ರಾಧಿಕಾರ ಹಾಗೂ ಸ್ಪಂದನ ಸಂಸ್ಥೆ ಬೆಳಗಾವಿ ಇವರ ಸಹಯೋಗದಲ್ಲಿ ಸ್ಥಳೀಯ ಆಡಳಿತ ಹಾಗೂ ಸಾಮಾಜಿಕ ಸೌಲಭ್ಯಗಳ ಪರಿಣಾಮಕಾರಿ ಅನುಷ್ಠಾನದಲ್ಲಿ ಸಮುದಾಯದ ಪ್ರತಿನಿಧಿಗಳ ಭಾಗವಹಿಸಿಕೆ ಮತ್ತು ಸಮುದಾಯ ಆಧಾರಿತ ಸಂಘಟನೆ ಪ್ರತಿನಿಧಿಗಳ ಸಮಾವೇಶವು ಸೆ.1 ರಂದು ಮಹಾಂತೇಶ ನಗರದ ವಿಶಾಲ ಮಾರ್ಟನ್ ಮಾಲಿಯನ್ ಬಾಂಕ್ವೆಟ್ ಹಾಲನಲ್ಲಿ ಜರುಗಿತು. ಜಿಲ್ಲಾ ಕಾನೂನು ಸೇವೆಗಳ ಪ್ರಾಧಿಕಾರದ ಸದಸ್ಯ ಕಾರ್ಯದರ್ಶಿಗಳಾದ ಕೆ.ಎನ್‌.ಶಿವಕುಮಾರ್ ಅವರು ಸಮಾವೇಶವನ್ನು ಉದ್ಘಾಟಿಸಿದರು.  

ಈ ಸಂದರ್ಭದಲ್ಲಿ ಜಿಲ್ಲಾ ಪಂಚಾಯತ ತಾಲೂಕು ಕಾರ್ಯಕ್ರಮ ವ್ಯವಸ್ಥಾಪಕರಾದ ಮಹೇಶ ಎಸ್‌.ಬಿ, ಜಿಲ್ಲಾ ಮುಖ್ಯ ಪ್ರಬಂಧಕ ಪ್ರಶಾಂತ ಗೋಡಕೆ, ಸ್ಪಂದನ ಸಂಸ್ಥೆಯ ಕಾರ್ಯದರ್ಶಿ ವಿ.ಸುಶೀಲಾ, ಗ್ರಾಮೀಣ ಮಹಾತ್ಮಾ ಗಾಂಧಿ ಕೂಲಿ ಕಾರ್ಮಿಕರ ಹಾವೇರಿ ಜಿಲ್ಲಾದ್ಯಕ್ಷರಾದ ಗುತ್ತೆಮ್ಮ ಸುಣಗಾರ, ರಾಣೆಬೆನ್ನೂರ ನರೇಗಾ ಸಂಘಟನೆಯ ಸದಸ್ಯರಾದ ದಾದಾಪೀರ, ಫಕೀರ​‍್ಪ ಅಮರಾಪುರ್, ನರೇಗಾ ಕಾರ್ಮಿಕರು ಉಪಸ್ಥಿತರಿದ್ದರು.