ಚಿಕ್ಕಬಳ್ಳಾಪುರ, ಏ.8,ಜಿಲ್ಲೆಯಾದ್ಯಂತ ಕೊರೋನಾ ವೈರೆಸ್ ಹರಡದಂತೆ ಹಾಗೂ ಮುಂಜಾಗ್ರತ ಕ್ರಮವಾಗಿ ಸಾರ್ವಜನಿಕರ ಆರೋಗ್ಯ ಕಾಪಾಡುವ ದೃಷ್ಟಿಯಿಂದ ಚಿಕ್ಕಬಳ್ಳಾಪುರ ಜಿಲ್ಲಾ ವ್ಯಾಪ್ತಿಯಲ್ಲಿರುವ ಎಲ್ಲಾ ರೀತಿಯ ಅಬಕಾರಿ ಸನ್ನದುಗಳನ್ನು ಮಾರ್ಚ್ 21 ರಂದು ಮುಚ್ಚಿಸಲಾಗಿತ್ತು.ಅದರಂತೆ ಚಿಕ್ಕಬಳ್ಳಾಪುರ ಜಿಲ್ಲಾ ಅಬಕಾರಿ ಇಲಾಖೆಯಿಂದ ಮಾರ್ಚ್ 21 ರಿಂದ ಏಪ್ರಿಲ್‌ 7 ರವರೆಗೆ ಅಬಕಾರಿ ಇಲಾಖೆಯು 428 ಕಡೆ ದಾಳಿಯನ್ನು ನಡೆಸಲಾಗಿದೆ. ಇದರಲ್ಲಿ 10 ಘೋರ ಪ್ರಕರಣಗಳು ಕೂಡ ದಾಖಲಾಗಿವೆ. ಈ ದಾಳಿಯಲ್ಲಿ  1518. 780 ಲೀಟರ್ ಅಕ್ರಮ ಮದ್ಯ, 357.025 ಲೀಟರ್ ಅಕ್ರಮ ಬೀರ್, 47 ಲೀಟರ್ ಸೇಂದಿ, 1.500 ಲೀಟರ್ ಕಳ್ಳಭಟ್ಟಿ ಸಾರಾಯಿ, 2 ವಿವಿಧ ನಮೂನೆಯ ದ್ವಿಚಕ್ರ ವಾಹನಗಳನ್ನು ಜಪ್ತುಪಡಿಸಿಕೊಂಡು ಇಬ್ಬರು ಆರೋಪಿಗಳನ್ನು ದಸ್ತಗಿರಿಪಡಿಸಿಕೊಂಡು ನ್ಯಾಯಾಂಗ ಬಂಧನಕ್ಕೆ ಒಪ್ಪಿಸಲಾಗಿದೆ. ಗೌರಿಬಿದನೂರು ತಾಲ್ಲೂಕಿನ ನಾಮಗೊಂಡ್ಲುನ ಎನ್. ವಿನಯ್ ಇವರ ಹೆಸರಿಗೆ 2019-20ನೇ ಸಾಲಿಗೆ ನವೀಕರಿಸಿರುವ  ನಾಮಗೊಂಡ್ಲು ಗ್ರಾಮದ ಸರ್ವೆ ನಂ; 160/3ರಲ್ಲಿನ ಕಟ್ಟಡದಲ್ಲಿರುವ ನಾಗಜ್ಯೋತಿ ವೈನ್ಸ್ ಸಿಎಲ್-2 ಸನ್ನದಿಗೆ ಇಲಾಖಾ ಮೊಹರು ಮಾಡಿರುವ ಸೀಲ್ ಅನ್ನು ತೆಗೆದು ಮದ್ಯವನ್ನು ಮಾರಾಟ ಮಾಡಿರುವುದರಿಂದ ಈ ಸನ್ನದನ್ನು ಚಿಕ್ಕಬಳ್ಳಾಪುರ ಜಿಲ್ಲೆಯ ಜಿಲ್ಲಾಧಿಕಾರಿಗಳು, ಏಪ್ರಿಲ್ 2 ರಂದು ರದ್ದುಪಡಿಸಿ ಎಂದು ಆದೇಶಿಸಿರುತ್ತಾರೆ ಎಂದು ಅಬಕಾರಿ ಇಲಾಖೆ ಉಪ ಆಯುಕ್ತರಾದ ಜಿ.ಪಿ ನರೇಂದ್ರಕುಮಾರ್ ತಿಳಿಸಿದ್ದಾರೆ.