ಹಾರೂಗೇರಿ 10: ಪಟ್ಟಣದ ಅನುದಾನಿತ   ಕರೆಸಿದ್ದೇಶ್ವರ ಕನ್ನಡ ಮಾಧ್ಯಮ ಪ್ರಾಥಮಿಕ ಹಾಗೂ ಪ್ರೌಢಶಾಲೆಯ ವಿದ್ಯಾರ್ಥಿಗಳು ತಾಲೂಕು ಮಟ್ಟದ ಇಲಾಖಾ ಕ್ರೀಡಾಕೂಟದ ಕುಸ್ತಿ ಪಂದ್ಯಾವಳಿಯಲ್ಲಿ ಪ್ರಥಮ ಸ್ಥಾನ ಪಡೆದು ಜಿಲ್ಲಾ ಮಟ್ಟಕ್ಕೆ ಆಯ್ಕೆಯಾಗಿದ್ದಾರೆ.  

ಶಾಲೆಯ ಕ್ರೀಡಾಪಟುಗಳಾದ ಪ್ರಥ್ವಿರಾಜ ಬಡಿಗೇರ (48 ಕೆಜಿ), ಆನಂದ ಬಡಿಗೇರ (35 ಕೆಜಿ) ಹಾಗೂ ಪಾಂಡುರಂಗ ಹಾಡಕಾರ (41 ಕೆಜಿ) ತಮ್ಮ ತಮ್ಮ ವಿಭಾಗಗಳಲ್ಲಿ ಪ್ರಥಮ ಸ್ಥಾನ ಪಡೆದು ಜಿಲ್ಲಾ ಮಟ್ಟದ ಸ್ಪರ್ಧೆಗೆ ಅರ್ಹತೆ ಗಳಿಸಿದ್ದಾರೆ.  

ಈ ಸಂದರ್ಭದಲ್ಲಿ ತಾಲೂಕು ದೈಹಿಕ ಶಿಕ್ಷಣ ಪರೀವೀಕ್ಷಕ ಮಹಾವೀರ ಜಿರಗಾಳ, ಯು.ಡಿ. ಉಪಾಧ್ಯಾಯ, ವಸ್ತಾದ್ ಪ್ರಕಾಶ ಬಡಿಗೇರ, ಶಂಕರ, ದೈಹಿಕ ಶಿಕ್ಷಕರಾದ ಜೆ.ಜೆ. ಗಡಾದ, ಶಂಕರ ನಲವಡೆ, ದೈಹಿಕ ಶಿಕ್ಷಕರ ಸಂಘದ ಅಧ್ಯಕ್ಷ ಸರದಾರ ಜಮಾದಾರ ಹಾಗೂ ಎಸ್‌.ಎಂ. ಚೌಗುಲೆ ಉಪಸ್ಥಿತರಿದ್ದರು.