ಥಾಣೆ, ಮೇ 30 ಮಹಾರಾಷ್ಟ್ರದ ಥಾಣೆಯ ಪೊಲೀಸ್  ಕಮೀಷನರೇಟ್  ವ್ಯಾಪ್ತಿಯಲ್ಲಿ   ಈವರೆಗೆ  15  ಮಂದಿ ಅಧಿಕಾರಿಗಳು ಸೇರಿದಂತೆ  ಒಟ್ಟು 136 ಪೊಲೀಸ್ ಸಿಬ್ಬಂದಿಯಲ್ಲಿ ಕೊರೊನಾ ಸೋಂಕು ದೃಢಪಟ್ಟಿದೆ ಈ ಪೈಕಿ 10 ಮಂದಿ ಅಧಿಕಾರಿಗಳು ಹಾಗೂ 70 ಮಂದಿ ಪೊಲೀಸ್ ಸಿಬ್ಬಂದಿ ಗುಣಮುಖರಾಗಿ, ವಿವಿಧ ಆಸ್ಪತ್ರೆಗಳಿಂದ  ಬಿಡುಗಡೆ ಹೊಂದಿದ್ದಾರೆ.ಪೂರ್ಣವಾಗಿ ಚೇತರಿಸಿಕೊಂಡ  ಒಂಬತ್ತು ಮಂದಿ   ಪೋಲೀಸ್ ಸಿಬ್ಬಂದಿಯನ್ನು  ಆಸ್ಪತ್ರೆಗಳಿಂದ ಬಿಡುಗಡೆ ಮಾಡಲಾಗಿದೆ ಎಂದು  ಅಧಿಕೃತ ಹೇಳಿಕೆಯಲ್ಲಿ ತಿಳಿಸಿದೆ.ನಗರದಲ್ಲಿ ಮಹಿಳಾ ಕಾನ್ಸ್ ಟೇಬಲ್  ಒಬ್ಬರು ಕೊರೊನಾ ವೈರಸ್ ನಿಂದ  ಮೃತಪಟ್ಟಿದ್ದಾರೆ  ಎಂದು ತಿಳಿಸಲಾಗಿದೆ. ಐವರು  ಪೊಲೀಸ್ ಅಧಿಕಾರಿಗಳು ಹಾಗೂ 50 ಪೊಲೀಸ್ ಸಿಬ್ಬಂದಿಗೆ  ವಿವಿಧ ಕೋವಿಡ್ -19   ಆಸ್ಪತ್ರೆಗಳಲ್ಲಿ ಚಿಕಿತ್ಸೆ ಕಲ್ಪಿಸಲಾಗುತ್ತಿದೆ ಎಂದು ತಿಳಿಸಿದೆ.