10 ನೇ ರಾಷ್ಟ್ರೀಯ ಆಯುರ್ವೇದ ದಿನಾಚರಣೆ

ಧಾರವಾಡ 23: 10ನೇ ರಾಷ್ಟ್ರೀಯ ಆಯುರ್ವೇದ ದಿನಾಚರಣೆಯನ್ನು ಜನರು ಮತ್ತು ಜಗತ್ತಿಗಾಗಿ ಆಯುರ್ವೇದ ಎಂಬ ಘೋಷ ವಾಕ್ಯದೊಂದಿಗೆ ಆಚರಿಸಲಾಗುತ್ತಿದ್ದು, ಧಾರವಾಡ ಜಿಲ್ಲಾ ಕೇಂದ್ರದಲ್ಲಿ ದಿನಾಂಕ : 23.09.2025 ರಂದು ಬೆಳಿಗ್ಗೆ 08.00 ಗಂಟೆಗೆ ಆಯುರ್ವೇದ ದಿನಾಚರಣೆಯ ಅಂಗವಾಗಿ ಕಲಾ ಭವನ ಧಾರವಾಡ ದಿಂದ ಕರ್ನಾಟಕ ರಾಜ್ಯ ಸರ್ಕಾರಿ ನೌಕರರ ಸಂಘ, ಜಿಲ್ಲಾ ಘಟಕದವರೆಗೆ ಜಾಥಾವನ್ನು ಏರಿ​‍್ಡಸಲಾಯಿತು. ಮತ್ತು ಸದರಿ ಜಾಥಾ ಕಾರ್ಯಕ್ರಮಕ್ಕೆ ಮಾನ್ಯ ಮುಖ್ಯ ಕಾರ್ಯನಿರ್ವಾಹಕ ಅಧಿಕಾರಿಗಳು ಜಿಲ್ಲಾ ಪಂಚಾಯತ್ ಧಾರವಾಡರವರು ಚಾಲನೆ ನೀಡಿದರು.   

ಜಿಲ್ಲಾ ಮಟ್ಟದ ಕಾರ್ಯಕ್ರಮವನ್ನು ಕರ್ನಾಟಕ ರಾಜ್ಯ ಸರ್ಕಾರಿ ನೌಕರರ ಸಂಘ, ಜಿಲ್ಲಾ ಘಟಕದ ಸಾಂಸ್ಕೃತಿಕ ಭವನದಲ್ಲಿ ಹಮ್ಮಿಕೊಳ್ಳಲಾಗಿತ್ತು. ವೇದಿಕೆ ಕಾರ್ಯಕ್ರಮವನ್ನು ಬೆಳಿಗ್ಗೆ 09.00 ಗಂಟೆಗೆ ಭಗವಾನ ಧನ್ವಂತರಿ ಪ್ರಾರ್ಥನೆಯೊಂದಿಗೆ ಪ್ರಾರಂಬಿಸಲಾಯಿತು. ಕಾರ್ಯಕ್ರಮವನ್ನು ಜ್ಯೋತಿ ಬೆಳಗಿಸುವುದರ ಮೂಲಕ ಹಾಗೂ ಸಸಿಗೆ ನೀರುಣಿಸುವುದರ ಮೂಲಕ ಉದ್ಘಾಟಿಸಲಾಯಿತು. ವೇದಿಕೆಯಲ್ಲಿ ಜಿಲ್ಲಾ ಅರೋಗ್ಯ ಮತ್ತು ಕುಟುಂಬ ಕಲ್ಯಾಣ ಅಧಿಕಾರಿಗಳಾದ ಡಾ. ಎಸ್‌. ಎಮ್‌. ಹೋನಕೇರಿ, ಜಿಲ್ಲಾ ಆಯುಷ್ ಅಧಿಕಾರಿಗಳಾದ ಡಾ. ಗಣೇಶ ಕಬಾಡೆ, ಕರ್ನಾಟಕ ರಾಜ್ಯ ಸರ್ಕಾರಿ ನೌಕರರ ಸಂಘದ ರಾಜ್ಯ ಉಪಾಧ್ಯಕ್ಷರು ಹಾಗೂ ಜಿಲ್ಲಾ ಅಧ್ಯಕ್ಷರಾದ ಶ್ರೀ ಎಸ್‌. ಎಫ್‌. ಸಿದ್ಧನಗೌಡರ, ಡಾ. ರವಿಂದ್ರ ವೈ, ಡಾ. ಅಮೀತ, ಡಾ. ಎಸ್‌. ವ್ಹಿ. ತೆಗ್ಗಿ, ಶ್ರೀ ಪ್ರಕಾಶ ಹಳಪೇಟ್, ಡಾ. ಶಶಿಧರ ಹೊಂಬಳ, ಶ್ರೀ ಮಂಜುನಾಥ ಯಡಳ್ಳಿ  ಡಾ. ಬಿ. ಪಿ. ಪೂಜಾರಿ,  ಡಾ. ಸವಿತಾ ಹುಣಶಿಮರದ ಮತ್ತು ವಿವಿಧ ಮಹಾವಿದ್ಯಾಲಯಗಳ ಪ್ರಾಂಶುಪಾಲರು ಉಪಸ್ಥಿತರಿದ್ದರು.   

ಡಾ. ಹೇಮಂತ ಅರಕೇರಿ ವೈದ್ಯಾಧಿಕಾರಿಗಳವರು ಕಾರ್ಯಕ್ರಮವನ್ನು ನಿರೂಪಿಸಿದರು ಮತ್ತು ರಾಷ್ಟ್ರೀಯ ಆಯುರ್ವೇದ ದಿನಾಚರಣೆಯ ಓಚಿತ್ಯವನ್ನು ತಿಳಿಸಿಕೊಟ್ಟರು    

ಹಿರಿಯ ವೈದ್ಯಾಧಿಕಾರಿಗಳಾದ ಡಾ. ಸಂತೋಷ ತಾಡಪತ್ರಿ ಪ್ರಾಸ್ತಾವಿಕವಾಗಿ ಮಾತನಾಡಿ ದೇಹ ಮನಸ್ಸುಆರೋಗ್ಯವನ್ನು ಕಾಪಾಡಿಕೊಳ್ಳುವ ನಿಟ್ಟಿನಲ್ಲಿ ಆಯುರ್ವೇದ ದಿನವನ್ನು ಆಚರಿಸಲಾಗುವುದು ಮತ್ತು ಆಯುರ್ವೇದ ದಿನಾಚರಣೆಯನ್ನು 2016 ನೇ ಸಾಲಿನಿಂದ ದನ್ವಂತರಿ ಜಯಂತಿ ಅಥವಾ ಧನತ್ರಯೋದರ ದಿನದಂದು ಆಚರಿಸಲಾಗುತ್ತಿದೆ ಇದು ಭಗವಾನ ಧನವಂತಿ ಜನ್ಮ ದಿನವಾಗಿರುತ್ತದೆ ಹಾಗೂ ಅವರನ್ನು ಸ್ರಷ್ಟಿಯ ಮೊದಲ ವೈದ್ಯನಾಗಿ ಪರಿಗಣಿಸಲಾಗಿದೆ ಎಂದು ತಿಳಿಸಿದರು.   

ಡಾ. ಗಣೇಶ ಕಬಾಡೆ ಜಿಲ್ಲಾ ಆಯುಷ್ ಅಧಿಕಾರಿಗಳು ಮಾತನಾಡಿ ಈ ಬಾರಿಯ ಘೋಷ ವಾಕ್ಯ ಜನರಿಗಾಗಿ ಮತ್ತು ಜಗತ್ತಿಗಾಗಿ ಆಯುರ್ವೇದ ಅಂದರೆ ಆಯುರ್ವೇದ ಒಂದು ಚಿಕಿತ್ಸಾ ಪದ್ದತಿ ಅಷ್ಟೆ ಅಲ್ಲ ಅದೊಂದು ಸಮಗ್ರ ಆರೋಗ್ಯದ ವಿಜ್ಞಾನವಾಗಿದ್ದು ಜನರು ಅದನೆಲ್ಲ ಅವರ ಜೀವನದಲ್ಲಿ ಅಳವಡಿಸಿಕೊಳ್ಳಬೇಕು ಎನ್ನುವ ಉದ್ದೇಶದಿಂದ ಈ ಬಾರಿ ಆಯುರ್ವೇದ ದಿನಾಚರಣೆಯನ್ನು ಆಚರಿಸಲಾಗುತ್ತಿದೆ ಎಂದು ತಿಳಿಸಿದರು.   

ಡಾ. ಎಸ್‌. ಎಮ್‌. ಹೋನಕೇರಿ ಜಿಲ್ಲಾ ಅರೋಗ್ಯ ಮತ್ತು ಕುಟುಂಬ ಕಲ್ಯಾಣ ಅಧಿಕಾರಿಗಳು, ಧಾರವಾಡರವರು ಮಾತನಾಡಿ ಆಯುರ್ವೇದ ದಿನಾಚರಣೆಯನ್ನು 10 ವರ್ಷದಿಂದ ದಿನಾಚರಣೆಯನ್ನು ಮಾಡುತ್ತಿರುವುದು ತುಂಬಾ ಸಂತೋಷದ ಸಂಗತಿಯಾಗಿದೆ. ಸಮಾಜದ ಬಗ್ಗೆ ಕಾಳಜಿ ಹೊಂದಿ ಆರ್ಥಿಕವಾಗಿ ದುಡಿಯುವ ಬದಲು ಸಮಾಜಿಕವಾಗಿ ದುಡಿದಲ್ಲಿ ದೇಶ ಪ್ರಗತಿ ಹೊಂದುತ್ತದೆ. ಸರ್ಕಾರದ ನಿಯಮಾನುಸಾರ ಕಾರ್ಯನಿರ್ವಹಿಸುತ್ತಿರುವುದರಿಂದ ಮತ್ತು ಸಾಂಕ್ರಾಮಿಕ ರೋಗಗಳ ಬಗ್ಗೆ ಅಧ್ಯಯನ ಮಾಡಿ ರೋಗಯನ್ನು ಗುಣಮುಖ ಮಾಡಿದಲ್ಲಿ ಈ ಕಾರ್ಯಕ್ರಮವು ಸಪಲವಾಗುತ್ತದೆ ಎಂದು ತಿಳಿಸಿದಿರು.    

ಶ್ರೀ ಎಸ್‌. ಎಫ್‌. ಸಿದ್ಧನಗೌಡರ, ಕರ್ನಟಕ ರಾಜ್ಯ ಸರ್ಕಾರಿ ಸಂಘದ ರಾಜ್ಯ ಉಪಾಧ್ಯಕ್ಷಕರು ಮಾತನಾಡಿ ಆಯುರ್ವೇದವು ಋಷಿಮುನಿಗಳಿಂದ ಬಂದಿರುವ ಪ್ರಾಚೀನ ಕಾಲದ ಚಿಕಿತ್ಸೆಯಾಗಿದೆ ಇದರಿಂದ ದೊಡ್ಡ ದೊಡ್ಡ ರೋಗಳ ನಿವಾರಣೆ ಮಾಡುವ ಶಕ್ತಿ ಆಯುರ್ವೇದ ಓಷಧಿಗಳಿಗೆ ಇವೆ ಎಂದು ತಿಳಿಸಿದರು.   

 ಡಾ. ರವೀಂದ್ರ ವೈ ಅಧ್ಯಕ್ಷರು ಎ. ಎಪ್ ಐ, ಧಾರವಾಡರವರು ಮಾತನಾಡಿ ಆಯುರ್ವೇದ ಪದ್ದತಿ ಅನಾದಿಕಾಲದಿಂದ ಬೆಳೆದು ಬಂದಿದೆ ಅವುಗಳನ್ನು ಉಳಿಸಿಕೊಂಡು ಬೆಳಸಿಕೊಂಡು ಹೋಗುವುದು ನಮ್ಮೆಲ್ಲರ ಆದ್ಯ  ಕರ್ತವ್ಯವಾಗಿದೆ ಎಂದರು.  

ಡಾ. ಇಸ್ಮಾಯಿಲ್ ಸಂಕದಾಳ ವೈದ್ಯಾಧಿಕಾರಿಗಳು ಆಯುರ್ವೇದ ದಿನಾಚರಣೆಯ ಮಹತ್ವ ಮತ್ತು ಆಧುನಿಕ ಕಾಲದಲ್ಲಿ ಆಯುರ್ವೇದದ ಪ್ರಸ್ತುತತೆ ಎಂಬ ವಿಷಯದ ಕುರಿತಾಗಿ ಹಾಗೂ ಡಾ. ಸುನಂದ ಪ್ರಾದ್ಯಾಪಕರು ಆಯುರ್ವೇದದ ಮಹತ್ವ ಹಾಗೂ ಜನರು ಮತ್ತು ಜಗತ್ತಿಗಾಗಿ ಆಯುರ್ವೇದದ ನಾವಿನ್ಯತೆ ಕುರಿತಾಗಿ ಉಪನ್ಯಾಸ ನೀಡಿದರು.   

ಡಾ. ಅಮೃತಾ ಪಾಸ್ತೆ ವೈದ್ಯಾಧಿಕಾರಿಗಳು ವಂದಿಸಿದರು. ಕಾರ್ಯಕ್ರಮದಲ್ಲಿ ಆಯುಷ್ ಇಲಾಖೆಯ ವೈದ್ಯಾಧಿಕಾರಿಗಳು ಹಾಗೂ ಅಧಿಕಾರಿಗಳು ಮತ್ತು ಸಿಬ್ಬಂದಿಯವರು ಮತ್ತು ಎಲ್ಲ ಸಮಸ್ತ ಸಾರ್ವಜನಿಕರು ವಿವಿಧ ಇಲಾಖೆ ಅಧಿಕಾರಿಗಳು ಮತ್ತು ಸಿಬ್ಬಂದಿ ಹಾಗೂ ಧಾರವಾಡ ಜಿಲ್ಲೆಯ ಆಯುಷ್ ಮಹಾವಿದ್ಯಾಲಯಗಳ ವಿದ್ಯಾರ್ಥಿಗಳು, ವಿವಿಧ ಸಂಘ ಸಂಸ್ಥೆಯವರು ಸಾರ್ವಜನಿಕರು  ಸೇರಿ 300 ಕ್ಕೂ ಹೆಚ್ಚು ಜನ ಪಾಲ್ಗೊಂಡು ಕಾರ್ಯಕ್ರಮದ ಉಪಯೋಗ ಪಡೆದುಕೊಂಡರು.  ಕಾರ್ಯಕ್ರಮದಲ್ಲಿ ಹಾಜರಿದ್ದ ಎಲ್ಲರಿಗೂ ಜಿಲ್ಲಾ ಆಯುಷ್ ಇಲಾಖೆ ವತಿಯಿಂದ ಆರೋಗ್ಯಕರ ಉಪಹಾರವನ್ನು ವಿತರಿಸಲಾಯಿತು.