ಬೆಳಗಾವಿ 22: ವಿವಿಧ ಬೇಡಿಕೆಗೆ ಆಗ್ರಹಿಸಿ ದಿ. ಆಟೋ ರಿಕ್ಷಾ ಓನರ್ಸ್‌ ಮತ್ತು ಡ್ರೈವರ್ಸ್‌ ಅಸೋಸಿಯೇಶನ್ ವತಿಯಿಂದ ಬೃಹತ್ ಪ್ರತಿಭಟನೆ ನಡೆಸಲಾಯಿತು.  ಬುಧವಾರ ಬೆಳಗಾವಿ ನಗರದ ಚೆನ್ನಮ್ಮ ವೃತ್ತದಲ್ಲಿ ಬೃಹತ್ ಹೋರಾಟ ನಡೆಸಿ ಜಿಲ್ಲಾಧಿಕಾರಿಗಳ ಕಚೇರಿಗೆ ತರಳಿ ಮನವಿ ಸಲ್ಲಿಸಿದರು. ಆಟೋ ಪ್ರಯಾಣಿಕರ ಪ್ರಯಾಣ ಬಾಡಿಗೆಯನ್ನು ಒಂದೂವರೆ ಕಿ.ಮಿ. ಒಳಗಡೆ ಕನಿಷ್ಠ ರೂ. 50 ದರವನ್ನು ನಿಗದಿ ಪಡಿಸಬೇಕು.  

ಉಚ್ಛ ನ್ಯಾಯಾಲಯ ಅವರು ಓಲಾ, ಉಬೇರ, ರೆಪಿಡೋ ಬೈಕ್ ಓಡಾಡಿಸುವ ಪರವಾನಿಗೆಯನ್ನು ರದ್ದು ಪಡಿಸಿದ್ದು. ಆದರೂ ಕೂಡ ನಗರದಲ್ಲಿ ಓಲಾ, ಉಬೇರ, ರೆಪಿಡೋ ಬೈಕ್‌ನವರು ಪ್ರಯಾಣಿಕರನ್ನು ಕರೆದುಕೊಂಡು ಹೋಗುತ್ತಿರುವುದು ಕಂಡು ಬರುತ್ತಿದೆ. ಇದನ್ನು ನಿಲ್ಲಿಸಬೇಕು. ಬೆಳಗಾವಿ ನಗರದಲ್ಲಿ ಇಲೆಕ್ಟಿಕ್ ಆಟೋಗಳು ಪರಮಿಟ್ ಇಲ್ಲದೇ ಓಡಾಡುತ್ತಿವೆ. ಅವುಗಳನ್ನು ನಿಲ್ಲಿಸಬೇಕು ಎಂದು ಆಗ್ರಹಿಸಿದರು.